Qeyri-döyüş şəraitində Azərbaycan hərbçiləri nədən vəfat edir? – Cəsur Sümərinlisualda

Bakı/01.08.23/Turan: Xəzər Hərbi Tədqiqatlar İnstitutunun keçirdiyi monitorinqin nəticələrinə görə, 2023-cü ilin 7 ayı ərzində Azərbaycanın Təhlükəsizlik və Müdafiə sektoru ən azı 44 hərbi qulluqçusunu itirib. Onlardan 9 nəfəri döyüş itkiləridir (erməni gülləsi və mina partlayışı), 35 nəfəri isə qeyri-döyüş itkiləridir.

2023-cü ildə ümumilikdə 17 hərbi qulluqçu intihar edib.

Xəzər Hərbi Tədqiqatlar İnstitutunun araşdırmalarına görə, Azərbaycan Təhlükəsizlik və Müdafiə Sektorunda qeyri-döyüş itkilərinin sayı ciddi şəkildə artır. Xüsusilə də 2023-ci ilin ilk 7 ayında baş verən itkilər diqqət çəkir. Xeyli sayda hərbi qulluqçunun intihar etməsi faktı (xüsusilə də ermənilərlə konflikt bölgələrində) Təhlükəsizlik və Müdafiə Sektorunda fəaliyyət göstərən strukturuları təxirəsalmaz tədbirlər görməyə vadar etməlidir.

Hesabatla bağlı Xəzər Hərbi Tədqiqatlar İnstitutunun rəhbəri Cəsur Sümərinli Kamran Mahmudovun təqdimatında yayımlanan “Çətin sual” verilişində bu barədə danışır.