Rusiya sülhməramlılarının Qarabağda mandatı niyə razılaşdırılmayıb? – Əvəz Həsənov “Çətin sual" qarşısında

Bakı/07.09.21/Turan: Bakı və Moskva hələlik Rusiya sülhməramlılarının Qarabağda mandatını razılaşdırmayıblar, Azərbaycan prezidentinin beynəlxalq məsələlər üzrə köməkçisi Hikmət Hacıyev Bi-Bi-Si-yə müsahibəsində bildirib.

“Əlavə razılaşmalar və sülhməramlıların mandatı ilə bağlı əlavə hüquqi mexanizmlər  barədə müzakirələr hələ davam edir", - o deyib.

Qarabağda Rusiya sülhməramlılarının fəaliyyəti və əməliyyatları Azərbaycan, Rusiya və Ermənistan liderlərinin 10 noyabr 2020-ci il tarixli üçtərəfli bəyanatına əsasən həyata keçirilir.

"Bütün Qarabağ Azərbaycanın suveren ərazisidir, beynəlxalq ictimaiyyət Azərbaycanın ərazi bütövlüyünü və suverenliyini tanıyır və 10 noyabr bəyanatına uyğun olaraq sülhməramlı qüvvələr Azərbaycanın Qarabağ bölgəsinin müəyyən bir hissəsində müvəqqəti olaraq yerləşdiriliblər", - Hacıyev qeyd edib.

Hikmət Hacıyev bu açıqlama ilə nə demək istəyir? Belə çıxır ki, hazırda Qarabağda sülhməramlıların mövcudluğunun hüquqi əsası yoxdur və onların fəaliyyəti şifahi razılaşmalar əsasında həyata keçirilir?

Bütün bu suallara konfliktoloq Əvəz Həsənov  Kamran Mahmudovun təqdimatında yayımlanan “Çətin sual” verilişində  cavab verir. ---0--