Tarif Şurası qəbul etdiyi qərarları ləğv edə bilərmi? - İlham Hüseynli “Çətin sual" qarşısında

Bakı/21.10.21/Turan: İctimai Birliklərin “Mədən Sənayesində Şəffaflığın Artırılması” Koalisiyası Tarif Şurasının təbii qaz və elektrik enerjisinin qiymətlərinin bahalaşdırılması ilə bağlı qərarlarına dair mövqe sənədi yayıb.  Sənəddə deyilir ki, hökumətin  verdiyi qərarlar  kollegial formada deyil, göstərişlər əsasında qəbul edilir və cəmiyyətlə dialoqu yox səviyyəsindədir. Bu səbəbdən də  ölkə əhalisinin marağına birbaşa təsir edən qərarlardan öncə heç bir ictimai müzakirələr həyata keçirilmir və xalqın maraqları nəzər alınmır.

“İctimai Birliklərin  Mədən Sənayesində Şəffaflığın Artırılması  Koalisiyası Tarif Şurasının təbii qazın, habelə, elektrik enerjisinin daxili bazarda qiymətlərinin tənzimlənməsi ilə əlaqədar qəbul etdiyi son qərarların ölkə əhalisinin maraqlarına cavab vermədiyini bildirir və  bu qərarları xüsusilə, indiki pandemiya dönəmində vətəndaşların sosial-iqtisadi vəziyyətinin daha da ağırlaşmasına səbəb olacaq addım kimi qiymətləndirir,hökuməti Tarif Şurasının qəbul etdiyi bu qərarları ləğv etməyə və ölkə əhalisinin sosial vəziyyətinin daha da yaxşılaşdırılması məqsədilə enerjidaşıyıcılarının, o cümlədən, daxili bazarda qazın  və elektrik enerjisinin qiymətlərinə yenidən baxmağa cağırır,hökuməti yenidən MHŞT–yə qayıtmağa, hasilat sənayesində bütün pillələrdə və həyata keçirilən fəaliyyətlərdə, o cümlədən, kontraktların açıqlanması, lisenziya şərtləri, xammal ticarəti, tenderlər və satınalmalar sahəsində şəffaflğa nail olmağa səsləyirik.” Mövqe sənədində belə deyilir.

İctimai Birliklərin “Mədən Sənayesində Şəffaflığın Artırılması” Koalisiyasının mövqe sənədi hökumətə təsir edəcəkmi?

Mədən Sənayesində Şəffaflığın Artırılması Koalisiyasının koordinatoru İlham Hüseynli Kamran Mahmudovun təqdimatında yayımlanan “Çətin sual” verilişində bu və digər suallara cavab verir.--0--