“Tərtər işi”ndə yeni məhkəmə prosesləri başlayır. Kimlər ittiham olunur? – Validə Əhmədova Çətin sualda

Bakı/23.02.23/Turan:  2021-ci ilin dekabrında istintaq təzələnəndən sonra  “Tərtər işi” üzrə cinayət məsuliyyətinə cəlb olunanların (işgəncə verməkdə ittiham olunanların) işlərinin istintaqı tamamlanaraq, məhkəməyə göndərilir. Fevralın əvvəlində dörd nəfərin işi üzrə istintaq tamamlanıb, materiallar Bakı Hərbi Məhkəməsinə göndərilmişdi. Bunlar polkovnik Vüsal Ələsgərov, Rəşid Niftəliyev, Rüstəm Ələsgərov və Ramil Qarayevdir. Fevralın 21-də məlum olub ki, “Tərtər işi” üzrə işgəncələrə görə məsuliyyətə cəlb olunan general-mayor Bəkir Orucovla bağlı istintaq da yekunlaşıb. Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin rəisi vəzifəsini icra etmiş Bəkir Orucovun işinə Bakı Hərbi Məhkəməsində baxılacaq.

“Tərtər işi” üzrə icraat yenilənəndən sonra işgəncə verməyə görə cinayət məsuliyyətinə cəlb olunan digər şəxslərlə bağlı isə istintaq davam edir.

Qeyd edək ki, 2021-ci ilin dekabrında “Tərtər işi” üzrə istintaq yenilənəndən sonra işgəncələrə görə cinayət məsuliyyətinə cəlb olunanların sayı 17 nəfərə çatıb. Onlardan 12 nəfər barəsində həbs qətimkan tədbiri seçilib. Bir nəfər isə axtarışdadır. Daha dörd nəfər icraat yenilənməmişdən öncə həbsdə idi. Sadəcə, icraat yenilənəndən sonra başqa şəxslərə qarşı işgəncələrdə də iştiraklarıyla bağlı məlumatlar üzə çıxdığına görə onlara yenidən ittiham verilib.

İşgəncələrə görə məsuliyyət daşıyanların sayı elə 17 nəfərdirmi?

Tərtər hadisələri zamanı işgəncə nəticəsində öldürülən Elçin Quliyevin anası Validə Əhmədova Kamran Mahmudovun təqdimatında yayımlanan “Çətin sual” verilişində danışır. 

Rəy yaz

Çətin sual

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti