Vaşinqton/28.06.23/Turan: Çərşənbə axşamı ABŞ "Vaqner" özəl hərbi şirkətinin məsuliyyətə cəlb edilməsi, habelə ukraynalı hərbçiləri savaş meydanında öz maraqlarını qorumaq üçün lazım olan avadanlıqlarla təmin etmək üçün tədbirlər görməyə davam edəcəyini öhdəsinə götürüb. Bu barədə Dövlət Departamentinin rəsmi nümayəndəsi Metyu Miller bildirib.
«... Siz bizim fəaliyyətimizin davamını çox yaxın gələcəkdə görəcəksiniz", - nümayəndə mətbuat üçün gündəlik brifinq zamanı deyib, Turan-ın müxbiri Vaşinqtondan bildirib.
Miller Rusiyadakı son hadisələrlə, həmçinin Vladimir Putinin "Vaqner" və onun təsisçisinin ötən il Rusiyadan təxminən 2 milyard dollar aldığını bildirən son bəyanatı ilə bağlı Turan-ın suallarını vcavablandırıb.
“Nəhayət, Vaşinqton Rusiyanı "terrorizmin sponsoru olan dövlət" elan etməyə hazırdırmı?” sualının cavabında Miller deyib ki, bu etiket "bizim “Vaqner”i məsuliyyətə cəlb etmək üçün etdiyimiz hərəkətlər qədər vacib deyil və biz bunu davam etdirəcəyik... "
Mətbuat konfransı başa çatdıqdan sonra Dövlət Departamenti "Vaqner" və onun rəhbəri Yevgeni Prigojinlə əlaqəli dörd şirkətə qarşı sanksiyalar elan edib. Onun sözlərinə görə, həmin şirkətlər qanunsuz qızıl hasilatı və ticarətilə məşğul olur.
Sadalanan şirkətlərdən ikisi Mərkəzi Afrika Respublikasında dağ-mədən firmasıdır. Digər iki firma - biri Birləşmiş Ərəb Əmirliklərində, digəri Rusiyada - "topdansatış" şirkətləri olaraq müəyyən edilib.
Ayrıca Bayden administrasiyası Ukraynaya daha yarım milyard dollarlıq silah və texnika göndərəcəyini elan edib. Paketə Bradley döyüş maşınları, Stryker zirehli transportyorlar və HIMARS üçün hərbi sursatlar daxildir.
“Təhlükəsizlik sahəsində yardım paketi bu gün savaş meydanında Ukraynanın ehtiyacları üçün lazım olan xüsusi avadanlıqlarla Ukraynanın davam edən əks-hücum əməliyyatlarını dəstəkləyəcək",- dövlət katibi Blinkenin bəyanatında deyilir.
Aleks Raufoğlu
Dünyada
-
Çərşənbə günü səhər ABŞ prezidenti Donald Tramp Rusiya prezidenti Vladimir Putinlə telefon danışığı aparıb, bundan sonra Ukraynadakı müharibəni dayandırmaq üçün dərhal danışıqlara başlanacağı elan edilib. Tramp bu barədə Truth Social platformasında məlumat verərək vurğulayıb ki, onun fikrincə, əgər o, əvvəlki dövrlərdə prezident olsaydı, bu münaqişə baş verməzdi, lakin artıq baş verdiyinə görə, onu bitirmək lazımdır.
-
Ukrayna Prezidenti Volodimir Zelenski cümə günü Reuters-ə verdiyi müsahibədə ölkəsinin geniş nadir torpaq metallarının yataqlarını əks etdirən əvvəllər məxfi saxlanılan xəritəni diqqətlə araşdıraraq keçmiş ABŞ Prezidenti Donald Trampın “müqavilə bağlama” meylinə müraciət etməyə çalışdığını göstərdi.
-
ABŞ prezidenti Donald J. Trampın Rusiya prezidenti Vladimir V. Putinlə Ukraynada müharibənin mümkün sonu barədə telefon danışığı apardığı bildirilir. Bu barədə New York Post məlumat yayıb. Məlumatda söhbətin nə vaxt baş tutduğu və ya Rusiyanın bunu təsdiqləyib-təsdiqləmədiyi açıqlanmır, bu da Trampın münaqişəyə dair qeyri-müəyyən mövqeyinə yeni suallar yaradır.
-
ABŞ Prezidenti Donald Tramp qlobal yardımları dondurdu, o cümlədən Konqres tərəfindən müstəqil media və informasiya azadlığının dəstəklənməsi üçün ayrılmış 268 milyon dollardan çox vəsaitin istifadəsini dayandırdı. Sərhədsiz Reportyorlar (RSF) bu qərarı pisləyərək, qeyri-hökumət təşkilatlarını, media qurumlarını və jurnalistləri qeyri-müəyyən vəziyyətə saldığını bildirib. RSF beynəlxalq donorları müstəqil medianın davamlılığını təmin etmək üçün məsuliyyət götürməyə çağırıb.
Rəy yaz