Belqorod qubernatoru kənd sərhədində döyüşlərin getdiyini bildirdi

РБК: Belqorod vilayətinin Krasnoyaruzski rayonunun Terebreno kəndi ilə sərhəddə “düşmənlə atışma gedir”, qubernator Vyaçeslav Qladkov teleqram kanalında bildirib.

“Krasnoyaruzski rayonunun kəndi Ukrayna Silahlı Qüvvələrinin atəşi altındadır. İlkin məlumata görə, kəndin sərhədində düşmənlə atışma gedir. Bütün aidiyyatı idarələr vəziyyəti nəzarətdə saxlayır”, - Qladkov yazıb.

Onun sözlərinə görə, bir neçə kənddə elektrik xətləri sıradan çıxıb. Fövqəladə və operativ xidmətlər Müdafiə Nazirliyi ilə razılaşdırıldıqdan sonra nəticələrin aradan qaldırılması ilə məşğul olacaq.

Terebreno kəndi Belqorod vilayətinin qərb hissəsində yerləşir. Qəsəbədən Ukrayna ilə sərhədə qədər - təxminən 2,5 km.

Sərhəd yaşayış məntəqələri hərbi əməliyyatlar başlayandan sonra (Rusiyanın Ukraynaya təcavüzü başlayandan - TURANın qeydi) mütəmadi olaraq Ukraynadan atəşə məruz qalır