Brovaryda helikopter qəzası nəticəsində Ukrayna Daxili İşlər Nazirliyinin rəhbərliyi həlak olub
UNİAN: Ukraynanın Brovary şəhərində helikopter qəzası nəticəsində Daxili İşlər Nazirliyinin rəhbərliyi həlak olub.
"Bu səhər, yanvarın 18-də Brovary şəhərində Fövqəladə Hallar üzrə Dövlət Xidmətinin helikopteri qəzaya uğrayıb. Helikopter qəzasında Daxili İşlər Nazirliyinin rəhbərliyi həlak olub: nazir, nazirin birinci müavini və dövlət katibi", Milli polisin rəhbəri İqor Klimenko bildirib.
Klimenkonun sözlərinə görə, hazırda 18 nəfərin həlak olması məlumdur, onlardan 3-si uşaqdır. 26 nəfər yaralanıb, onlardan 12-si uşaqdır. Həlak olanların 9 nəfəri helikopterdə olub.Helikopter yaşayış məntəqəsinə düşüb.
KİV-in məlumatına görə, helikopterdə daxili işlər naziri Denis Monastrski, həmçinin onun birinci müavini Yevgeni Enin və dövlət katibi Yuri Lubkoviç olub.
Hərbi Hava Qüvvələri Komandanlığının spikeri Yuri İqnat bildirib ki, Kiyev vilayətinin Brovary şəhərində düşən helikopter Fövqəladə Hallar üzrə Dövlət Xidmətinin tapşırıqlarını yerinə yetirib.
Dünyada
-
İsraillə “Hizbullah” arasında atəşkəs razılaşması çərşənbə günü prezident Co Baydenin İsrail-Livan sərhədində hərbi əməliyyatların dayandırılmasına dair razılaşmanın "hərbi əməliyyatların həmişəlik dayandırılması üçün hazırlandığını" deməsindən sonra qüvvəyə minib.
-
COP29 iqlim sammiti Azərbaycanın paytaxtında illik yaşıl maliyyələşmənin 300 milyard dollara qədər üç dəfə artırılması barədə razılaşma ilə başa çatdı və bu, qlobal miqyasda iqlim layihələrinin maliyyələşdirilməsində mühüm artım deməkdir. Lakin Forbes-in “Neft lobbisi və 300 milyard dollarlıq yaşıl sərmayələr: Bakıda iqlim danışıqlarının nəticələri” adlı məqaləsinə görə, fosil yanacaqlardan imtina mövzusunda ölkələr arasında yaranan fikir ayrılıqları sammitin ən vacib məsələlərindən biri üzrə razılaşmanı əngəllədi.
-
Çərşənbə axşamı NATO-nun yeni baş katibi Mark Rutte alyansın Rusiyanın işğalına qarşı mübarizədə Ukraynaya dəstək vermək üçün "daha irəli getməli olduğunu" bəyan edib və Moskvanı minlərlə Şimali Koreya əsgərini cəbhəyə göndərməklə münaqişəni təhlükəli şəkildə gərginləşdirməkdə günahlandırıb.
-
Analitiklər və hərbi bloqçuların fikrincə, Rusiya qoşunları 2022-ci il işğalının ilk günlərindən bəri ən yüksək sürətlə Ukraynaya doğru irəliləyir və son bir ayda Böyük Londonun yarısı qədər ərazi tutub.
Rəy yaz