Hindistan Britaniya diplomatının Pakistanın nəzarətində olan Kəşmirə səfərinə etiraz edib

Reuters:  Hindistan şənbə günü yüksək səviyyəli bir Britaniya diplomatının Pakistanın nəzarətində olan Kəşmirə səfərinə etiraz edərək, bu həftəki səfərin "Hindistanın suverenliyini və ərazi bütövlüyünü" pozduğunu bildirib.

Nüvə silahına malik Hindistan və Pakistan Kəşmirə tam iddia edir, lakin qismən nəzarət edirlər, onlar 1947-ci ildən iki dəfə müharibə aparıb və Himalay regionununa görə çoxsaylı toqquşmaları olub.

Böyük Britaniyanın Pakistandakı ali komissarı Ceyn Marriott yanvarın 10-da Britaniya Xarici İşlər Nazirliyinin rəsmisi ilə birlikdə Pakistan Kəşmirinə səfər edib, deyə Hindistan Xarici İşlər Nazirliyinin bəyanatında bildirilir.

Hindistanın xarici işlər naziri Vinay Kvatra Hindistana səfərlə bağlı Britaniyanın Ali Komissarına "sərt etiraz" edib, nazirlik səfəri "qəbuledilməz" adlandırıb.

Hindistanın etirazını şərh etməyi xahiş edilən Böyük Britaniya Xarici İşlər Nazirliyinin sözçüsü Marriottun səfərini təsdiqləyib və əlavə edib: “O, Britaniya-Pakistan diasporu ilə görüşüb, küçə uşaqları ilə futbol oyunu oynayıb və çörək sexinə baş çəkib”.

Bu həftəki səfər bu ilin sonunda Hindistan və Pakistanda keçiriləcək seçkilər fonunda həyata keçirilir.