İkinci tədbirlər planı müsbət nəticələnməlidir

Epidemiyaya yoluxanların gündəlik sayı  xeyli artınca  hökumət bir daha məhdudlaşdırıcı tədbirlərə  müraciət etdi. Dünya miqyasında epidemiyaya qarşı mübarizə metodları təxminən eyni olduğuna görə, Türkiyənin bu dəfəki tədbirlərindəki yenilik “50 milyon dozalıq” peyvənd sifariş verilməsidir; bu müjdəni  bu dəfəki tədbirləri şəxsən özü açıqlayan dövlət başçısı elan etdi.

Açıqlamalardan başa düşülürdü ki,yoluxmaların sayının artmasına əsas səbəb- gecə klublarında və restoranlardakı əyləncələr imiş və burada səhiyyə nazirliyinə haqq vermək lazımdır. 65 yaşdan yuxarı və 20 yaşdan aşağı vətəndaşlar yenidən küçəyə çıxmaqdan məhrum oldular,onsuz da bağlı olan məktəblərə indi bağçalar da əlavə edildi və s.

Epidemyaya qarşı yenidən məhdudlaşdırıcı tədbirlərinin  görülməsində  müstəqil Qeyri-Hökumət Təşklatı olan Türk Təbiblər Birliyi, müxalifət partiyalarının idarə etdikləri bələdiyyələr və müstəqil media da mühüm rol  oynadı. Sadə bir örnək versək: Türkiyədə dəfn mərasimlərini bələdiyyələr təşkil etdiklərinə görə vəfat səbəblərini ən düz şəkildə xəstəxanalar və bələdiyyələrin bilməsindən təbii heç nə ola bilməz.

Martın ortasında hökumət ilk tədbirlər planını açıqlayıb önəmli məhduyyətlər tətbiq edəndən sonra,xüsusilə İstanbul bələdiyyəsi ölənlərin sayının düz açıqlanmadığını bildirmiş, öz statistik məlumatlrıyla  Türk Təbiblər Birliyi də buna oxşar açıqlamalar vermişdi.

Dünya Səhiyyə Təşkilatı ünün  bir peşə qurumu kimi Türk Təbiblər Birliynə haqq verincə hökumətin kiçik ortağı olan Milliyyətçi Hərəkat Partiyasınınsədri Devlet Bahçeli siyasi dünyagörüşü hökumətdən fərqli olan Birliyin qapadılmasını tələb etdiyi kimi,hökumət də TTB-nin epidemiyaya qarşı mübarizəsini, statistik məlumatlarını və açıqlamalarını görməzdən gəlməyə davam etmişdi.

Yeni tədbirlərin epidemiyaya qarşı mübarizədə daha təsirli olacağına inanmaq lazımdır, çünki apreldə görülməyə başlayan tədbirlər iyunda yumşaldılıb tədricən “normallaşma” prosesinə qədəm  qoyulmasının payız gələndən sonra dərdə çarə olmadığını hamıdan əvvəl hökümət gördü və buna görə ikinci dəfə sıx tədbirlər planı açıqlamağa məcbur qaldı.

Yayın axırına qədər cəmiyyətin də dövlət başçısının da məmnun olduğu səhiyyə naziri  Fahrettin Kocanın açıqladığı gündəlik rəqəmlər, xüsusilə, İstanbul bələdiyyəsinin və Türk Təbiblər Birliyinin rəqəmlərindən çox fərqli olduğuna görə, Ekrem İmamoğlu ilə nazir arasında dəfələrlə mübahisə düşdü,hökumətin yenə vecə almadığı MHP lideri Bahçelinin düşmən kimi baxdığı TTB rəhbərliyinə isə ana müxalfət lideri yiyə duraraq, Birliyin rəhbərləriylə görüşdü.

Sual budur: noyabrın 30-da yeni tədbirlər planının elan edilməsindən sonra müxalifət partiyasının idarəsində olan bələdiyyələrlə hökumətin əməkdaşlığı başlayacaaqmı? Bəs Türk Təbiblər Birliyi ilə necə? Cilovu tamamilə iqtidarın əlində olan media, nəhayət, bu işlərlə bağlı xalqa qarşı olan “jurnalistika” məsuliyyətini dərk  edərək yazacaq yoxsa hökumətdən gələn hazır materialları öz səhifələrinə düzməklə, vəzifəsini yerinə yetirmiş olacaq?

Bunun heç birini gözləməməyi tövsiyyə edərdim.Səbəbi çox sadədir: artıq elə bir mərhələyə gəlinib ki, hökumət müxalif bələdiyyələrlə əməkdaşlığı məğlubiyyət sayacaq, Bahçeli Türk Təbiblər Birliyini bir peşə QHT-si kimi görməyi özünə ar biləcək,media barədə heç danışmağa dəyməz. Elə isə söhbət qorxulu bir epidemiyadan gedir,ona qarşı mübarizə siyasi və ya dini dünyabaxışı ilə deyil, peşəkar tibb,toplumdan çəkinən bələdiyyəçilik və həqiqətləri yazmağı özünə namus bilən media vasitəsiylə aparılır.

Əlbəttə ki,dünyanın heç yerində hansısa iqtidarın bu məsələdə səhlənkarlığa yol vermək istədiyini iddia etmək olmaz,Türkiyədə də bundan söhbət getmir.

Epidemiyaya qarşı mübarizə məsələsi,eyni zamanda ,siyasi sərbəstliklərlə birbaşa əlaqədar olub, böyükdən kiçiyə bütün siyasi qurumlar burada öz məsuliyyətlərini cəmiyyətə nümayiş etdirməyə borcludurlar. Məsələn, Türkiyədəki Xalqın Qurtuluşu Partiyası (HKP) kimi.”Epdemiyanın şiddətlənməsinə” görə, iqtidar partiyasını və hökuməti cavabdeh görərək  ən yuxarıdan başlayaraq iqtidarın və onun partiyasının rəhbərlərini məhkəməyə verdi.

Buyurun,siqaretinizi bu qutudan yandırın..

Mayis Əlizadə