![Poland and Ukraine sign 'unprecedented' military agreement](https://turan.az/resized/news/2024/ozzUU9dXizeowiTjDQL8aH4BASI9UlkEzjWU68mB-750-500-resize.webp)
Poland and Ukraine sign 'unprecedented' military agreement
euronews: Ukrayna prezidenti Vladimir Zelenski bazar ertəsi bildirib ki, Kiyev Polşaya doğru hərəkət edən bütün Rusiya raket və dronlarını Ukrayna hava məkanında vurmağın yeni yollarını araşdırmaq üçün Varşava ilə birgə işləmək öhədliyi götürüb.
Zelenski X səhifəsində təhlükəsizlik sazişi ilə bağlı xəbərləri paylaşaraq bildirib ki, “görünməmiş sənəd” həm də Polşa ərazisində yeni könüllü Ukrayna hərbi birləşməsinin - Ukrayna legionunun yaradılması və təlimini nəzərdə tutur".
Ölkəmiz və xalqımızla həmrəyliyinizə, eləcə də göstərdiyiniz bütün dəstəyə və köməyə görə təşəkkür edirəm”, - deyə Zelenski bildirib.
Ukrayna lideri Varşavada Polşanın baş naziri Donald Tusk ilə görüşüb, Rusiyanın Ukraynaya davam edən hücumlarını və NATO-nun dəstəyini davam etdirməsini müzakirə edib.
NATO çərşənbə axşamı Vaşinqton sammitini keçirəcək və burada liderlərin Rusiyanın işğalından iki ildən çox müddət sonra Ukraynaya uzunmüddətli təhlükəsizlik və hərbi təlim yardımı göstərmə yollarını nəzərdən keçirəcəyi gözlənilir.
Danışıqlar Rusiya raketlərinin Ukraynadakı hədəflərə, o cümlədən paytaxtdakı uşaq xəstəxanasına hücumları nəticəsində azı 24 nəfərin ölümündən bir neçə saat sonra başlayıb.
Polşanı NATO sammitində Zelenski ilə görüşü nəzərdə tutulan prezident Anjey Duda təmsil edəcək.
Polşa Ukraynanın ən güclü dəstəkçilərindən biridir və NATO-nun dərc etdiyi hesablamalara görə, bu il ÜDM-in 4,12%-ni müdafiəyə xərcləyəcək, bi da alyansın 2%-lik hədəfindən iki dəfə çoxdur.
Üç günlük sammitdə böyük ehtimalla təsdiqlənəcək təşəbbüslərdən biri NATO-nun ABŞ əvəzinə Ukrayna silahlı qüvvələrinə hərbi və maliyyə yardımının koordinasiyasında üzərinə daha çox məsuliyyət götürəcək.
Avropalılar həmçinin ukraynalıların NATO qurumlarında mövcudluğunun genişləndirilməsi imkanlarını müzakirə edirlər, baxmayaraq ki, Kiyevin alyansa qoşulması ilə bağlı hələlik vahid fikir yoxdur.
-
- Siyasət
- 8 İyul 2024 17:38
Dünyada
-
Rusiyanın cənubunda, Ukrayna ilə həmsərhəd olan Belqorod vilayətinin 14 kəndinə giriş-çıxış əksər mülki vətəndaşlar üçün bağlanacaq, qubernator Vyaçeslav Qladkov çərşənbə axşamı bildirib ki, bu, Ukraynanın atəşi nəticəsində oradakı "son dərəcə çətin" vəziyyətlə bağlıdır.
-
Fransa prezidenti Emmanuel Makron çərşənbə axşamı baş nazirin istefasını qəbul edib, lakin ayın sonunda Fransa Paris Olimpiadasına ev sahibliyi etməyə hazırlaşdığı bir vaxtda onu müvəqqəti hökumətin başçısı kimi saxlayıb.
-
Xiaomi CEO-su Lei Jun, Weibo-da Pekinin Changping şəhərində yerləşən yeni nəsil smartfon istehsal fabrikinin tezliklə fəaliyyətə başlayacağını elan edib, gizmochina.com xəbər verir. Elan, video təqdimatı ilə müşayiət olunaraq, bu “qaranlıq fabrikin” qabaqcıl imkanlarını vurğulayır, insan müdaxiləsi olmadan gündə 24 saat işləmək üçün nəzərdə tutulub.
Rəy yaz