"Reuters"in britaniyalı təhlükəsizlik müşaviri Rusiyanın Ukrayna otelinə endirdiyi zərbə nəticəsində həlak olub

CNN: Şənbə günü gecə Rusiyanın Ukraynanın şərqindəki Kramatorsk şəhərindəki otelə endirdiyi zərbə nəticəsində “Reuters” xəbər agentliyinin britaniyalı təhlükəsizlik müşaviri ölüb, iki jurnalist yaralanıb.

“Sapphire” hotelində “Reuters”in Ukrayna müharibəsini işıqlandıran altı nəfərlik çəkiliş qrupu yerləşirdi. Xəbər agentliyinin sözçüsü ölən şəxsin Ukraynada agentliyin reportyorlar qrupuna təyin olunmuş 38 yaşlı Britaniya vətəndaşı, təhlükəsizlik üzrə müşaviri Rayan Evans olduğunu bildirib.

“Reuters” əlavə edib ki, iki jurnalist xəstəxanada müalicə olunur, onlardan biri ağır yaralanıb.

Bazar günü günortadan sonra yayılan bəyanatda deyilir: “Biz təcili olaraq Kramatorskdakı səlahiyyətlilərlə əməkdaşlıq da daxil olmaqla hücumla bağlı əlavə məlumat toplayır və həmkarlarımızı və onların ailələrini dəstəkləyirik. Rayanın ailəsinə və yaxınlarına dərin hüznlə başsağlığı veririk. Rayan bir çox jurnalistlərimizə dünyada baş verən hadisələri işıqlandırmaqda kömək edib; onun üçün çox darıxacağıq”.

Təcili yardım xidmətləri hotelin çökdüyü yerdədir. - Vitali Qnidı /”Reuters”

Keçmiş Britaniya hərbçisi olan Evans 2022-ci ildən “Reuters”də işləyirdi və agentliyin jurnalistlərinə Ukrayna, İsrail və Paris Olimpiadaları da daxil olmaqla dünya üzrə təhlükəsizlik məsələləri ilə bağlı məsləhətlər verib.

“Reuters” əlavə edib ki, onun daha üç həmkarı yüngül xəsarətlər alıb.

Ukrayna prezidenti Vladimir Zelenski bazar günü gündəlik müraciətində Britaniya və Amerika vətəndaşlarının Kramatorskdakı hoteldə olduğunu təsdiqləyərək əlavə edib: “Ailə və dostlara başsağlığı verirəm. Bu, hər gün davam edən rus terrorudur, çünki Rusiyanın onu davam etdirmək imkanı var”.

Böyük Britaniyanın Xarici İşlər, Birlik və İnkişaf İdarəsinin sözçüsü deyib: “Ukraynada itkin düşən Britaniya vətəndaşı ilə bağlı xəbərlərdən xəbərdarıq və yerli hakimiyyət orqanlarından əlavə məlumat alırıq”.

ABŞ Dövlət Departamenti qurbanlar arasında Amerika vətəndaşının olduğunu təsdiqləsə də, şəxsin kimliyini açıqlamayıb.

Xilasedicilər dağıntılar altından bir nəfərin cəsədini tapıblar, Kramatorsk şəhərinin hərbi administrasiyasının rəhbəri Aleksandr Qonçarenko bazar günü günortadan sonra ​​bildirib. O, əlavə məlumat verməyib.

Donetsk vilayət hərbi administrasiyasının rəhbəri Vadim Filaşkin bildirib ki, xəsarət alan jurnalistlər arasında “Ukrayna, ABŞ, Latviya və Almaniya vətəndaşları” var. Bazar günü səhər o, “Telegram”da mərhumun Britaniya vətəndaşı olduğunu təsdiqləyib.

Bazar günü səhər “Reuters”in çəkiliş qrupu xilasetmə xidmətlərinin məşəllərlə nəhəng dağıntı qalaqlarını daradığını göstərən video görüntülər yayımlaya bildi. Hotelin daxilində çəkilən görüntülərdə bir neçə hotel otağının dağıdıldığı görünür.

Videoda həmçinin hotelin damının ciddi şəkildə zədələndiyi görünür.

Rus raketinin vurduğu hotelin içərisində dağıntılar arasında dolaşan bir adam. Thomas Peter/Reuters

2022-ci ilin fevralında Rusiyanın Ukraynada müharibəsi başlayandan bəri Kramatorsk tez-tez Rusiya atəşinin hədəfinə çevrilir. Kramatorsk ölkənin mühasirəyə alınmış şərqində Ukraynanın nəzarəti altında olan ən böyük şəhərlərdən biri olaraq qalır.

2022-ci ilin aprelində Rusiya qoşunları döyüşlərdən qaçan mülki vətəndaşları sığınmaq üçün istifadə edilən Kramatorsk dəmiryol stansiyasına raket hücumu etdi.

“Human Rights Watch” və “SITU Research” təşkilatının “aşkar müharibə cinayəti” adlandırdığı hücumda bir neçə uşaq da daxil olmaqla 50-dən çox insan həlak olub.