Ukrayna Qara dənizdə Rusiyanın hərbi desant gəmisini məhv etdiyini bildirib

Reuters:  Ukrayna hərbi-dəniz pilotsuz uçan aparatları ilə əməliyyat zamanı işğal olunmuş Krım sahillərində Rusiyanın hərbi desant gəmisini məhv edib, çərşənbə günü dronlar gəminin sol tərəfindən zərbə endirirək onun batmasına səbəb olub, bu barədə Kiyev hərbi kəşfiyyat idarəsi və silahlı qüvvələr məlumat yayıb. 

Rusiya daha əvvəl Qara dənizdə altı pilotsuz uçan aparatı məhv etdiyini bildirib, lakin Kreml gəminin məhv edilməsi ilə bağlı məlumatı şərh etməkdən imtina edib.

“Ukrayna Silahlı Qüvvələri Müdafiə Nazirliyinin kəşfiyyat bölməsi ilə birlikdə “Sezar Kunikov” adlı iri desant gəmisini məhv edib. Zərbə zamanı o, Ukraynanın Alupka yaxınlığındakı ərazi sularında olub”, - hərbçilər Telegramda bildiriblər”.

Qara dənizin kurort şəhəri Alupka 2014-cü ildə rus qoşunlarının ələ keçirib Ukraynadan ilhaq etdiyi Krımın cənub tərəfində Yalta yaxınlığında yerləşir.

Ukraynanın hərbi kəşfiyyat idarəsi gecə saatlarında bir neçə hərbi-dəniz pilotsuz təyyarəsinin böyük bir gəmiyə yaxınlaşdığını və ən azı bir güclü partlayışı əks etdirən görüntüləri Telegram-da yerləşdirib.

Reuters videodakı gəminin əsas dirəyi, antenası, körpüsü və göyərtəsinə əsasən Rusiyanın Qara Dəniz Donanmasının “Sezar Kunikov” gəmisi olduğunu müəyyən edə bilib.

Çəkiliş yerini və tarixini müstəqil şəkildə yoxlamaq mümkün deyil.

Sonda bəzi görüntülər gəminin ağır şəkildə bir tərəfə əyilməsi nəticəsində böyük ziyan gördüyünü göstərir.

"Beləliklə, “Sezar Kunikov” sol tərəfindən ciddi zədələnib və batmağa başlayıb" deyə Baş Kəşfiyyat İdarəsinin bəyanatında deyilir.

Rusiyanın ən yeni gəmilərindən biri olan 775 layihəli hərbi gəminin 87 nəfərlik heyəti var. O, Gürcüstan, Suriya və Ukraynadakı müharibələrdə iştirak edib, - deyə Baş Kəşfiyyat İdarəsinin bəyanatında bildirilir.