Zelenski Rusiyanın bəzi ərazilərinin tarixən ukraynalıların yaşadığı ərazi kimi tanınması haqqında fərman imzalayıb

The KYIV INDEPENDENT:   Prezident Vladimir Zelenskinin yanvarın 22-də imzaladığı fərmana əsasən, Ukrayna müasir Rusiyanın tarixən ukraynalıların məskunlaşdığı hissələrində yaşayan ukraynalıların tarixini araşdırmaq, populyarlaşdırmaq və qorumaq üçün addımlar atacaq.

Zelenski 1919-cu ildə Ukrayna Xalq Respublikası və Qərbi Ukrayna Xalq Respublikasının bir müstəqil ölkədə birləşməsi ilə bağlı yanvarın 22-də qeyd olunan Birlik Günü milli bayram ilə bağlı çıxışı zamanı bu fərmanı imzaladığını açıqlayıb.

“Rusiya Federasiyasının tarixən ukraynalıların məskunlaşdığı əraziləri haqqında” fərman hökumətin indiki Rusiyanın konkret ərazilərində “ukraynalıların milli kimliyini qorumaq” planı yaratmaq üçün beynəlxalq ekspertlərlə əməkdaşlıq etməli olduğunu nəzərdə tutur.

Fərmanda Krım yarımadasının şərqindəki tarixi bölgə olan Kuban, Çerniqovdan şimalda Starodubşina, eləcə də şimal və şərq Slobojanşina rayonları sadalanıb.

Sloboda Ukraynası kimi də tanınan Slobojanşina Çar hakimiyyəti altında əhəmiyyətli bir yarımmuxtar bölgə idi və hazırda Ukraynanın şimal-şərqində, əsasən Sumi, Xarkov və Luqansk vilayətlərində, eləcə də Rusiyanın cənub-qərbində yayılıb.

Krasnodar bölgəsi bir vaxtlar Kuban ərazisinin böyük hissəsini əhatə edib, Starodubşina isə indi əsasən Bryansk vilayətində yerləşir.

Sərəncamda həmçinin bildirilir ki, hökumət bu regionlarda ukraynalıların tarixini qorumalıdır. Fərmana əsasən, onların məruz qaldıqları məcburi ruslaşdırma, siyasi repressiya və deportasiya faktları qeydə alınmalıdır.

Fərmanda deyilir ki, “Rusiyada ukraynalıların tarixi və bu günü ilə bağlı Rusiya Federasiyasının dezinformasiyasına və təbliğatına” qarşı çıxmaq və ukraynalılarla digər “Rusiyanın əsarətində olan xalqlar” arasında münasibətləri inkişaf etdirmək üçün də çox iş görülməlidir.

Hökumət “Ukrayna dövlətinin min ildən çox təşəkkül tarixi, etnik ukraynalıların məskunlaşdığı torpaqların tarixi əlaqələri və müxtəlif tarixi dövrlərdə Ukrayna milli-dövlət birləşmələri haqqında” materialların işlənib hazırlanması üçün Milli Elmlər Akademiyası ilə əməkdaşlıq etməlidir”.

Fərmana əsasən, “Etnik ukraynalıların Rusiya Federasiyasının hüdudları daxilində tarixən məskunlaşdıqları torpaqlarda əsl tarixi” də tədris vəsaitlərinə daxil edilməlidir.