Ekspress təhlil
-
Bazar ertəsi İran ərazisindən buraxılan və Türkiyənin hava məkanına daxil olan ballistik raket Şərqi Aralıq dənizində yerləşdirilmiş NATO-nun hava hücumundan müdafiə və raket əleyhinə müdafiə sistemləri tərəfindən zərərsizləşdirilib. Bu barədə Türkiyənin Milli Müdafiə Nazirliyi məlumat yayıb. Hadisə İranın iştirak etdiyi münaqişənin regiona yayılması risklərinin artdığını göstərir.
-
Fransa Prezidenti Emmanuel Makron martın 8-də Azərbaycan Prezidenti İlham Əliyevə telefon zəngi edib. Söhbət zamanı Makron İranın Naxçıvan Muxtar Respublikasına hava hücumundan sonra Azərbaycana həmrəyliyini ifadə edib və Fransız vətəndaşlarının İran ərazisindən Azərbaycan vasitəsilə evakuasiyasına göstərilən köməyə görə təşəkkürünü bildirib.
-
Azərbaycan Naxçıvan Muxtar Respublikasına pilotsuz uçuş aparatları ilə edilən hücumdan sonra yaranmış bir neçə günlük gərginliyin ardınca İranla sərhədyanı fəaliyyətin ehtiyatlı şəkildə normallaşmasına doğru addım atdığını göstərdi.
-
İranın Ekspertlər Şurası bazar günü mərhum ali dini lider Əli Xameneinin 56 yaşlı oğlu Möctəba Xameneini ölkənin yeni rəhbəri— ali dini lideri seçib. Bu qərar İranın müharibə, daxili gərginlik və artan regional qarşıdurma şəraitində olduğu bir vaxtda qəbul edilib.
Rəy yaz