Moskvanın Qara Günü

18 iyun 2026-cı il tarixə Moskvanın Qara Günü kimi düşəcək.

Ukraynanın Rusiya paytaxtına qarşı kütləvi dron hücumu nəticəsində Moskvanın cənub-şərqindəki ən böyük neft emalı zavodunda böyük yanğın baş verib.

Onlarla dron tərəfindən həyata keçirilən hücum cümə axşamı səhər tezdən başlayıb və bir neçə saat davam edib.

Moskva meri 180 Ukrayna dronunun məhv edildiyini bildirib. Bütün Moskva hava limanları beş saatlıq bağlanıb, 527 uçuş təxirə salınıb və ya ləğv edilib.

Moskva Neft Emalı Zavodunda baş verən yanğın  axşama qədər davam edib və söndürülməyib. Əhəmiyyətli olan odur ki, bu neft emalı zavodu Moskva sakinlərinin istehlak etdiyi benzin və dizel yanacağının 50%-ni istehsal edir.

Yanğın bütün Moskva səmasını kilometrlərlə görünən qara tüstü buludları ilə bürüyüb.

Digər diqqətəlayiq fakt isə Rusiya hava hücumundan müdafiə sistemlərinin aşağı hündürlükdə uçan dronları vura bilməməsi və bütün bunların Moskva sakinlərinin özləri tərəfindən video qeydə alınması olub.

Dronlardan birinin zərbəsi həmçinin böyük şəhər bazarı olan "Sadovod"da yanğına səbəb olub.

Rəsmilərin məlumatına görə, hücum nəticəsində 17 nəfər yaralanıb.