SOCAR BMT-nin İqlim Dəyişikliyi üzrə Çərçivə Konvensiyasının (COP28) Tərəflər Konfransının 28-ci sessiyası çərçivəsində təşkil olunmuş Ümumdünya iqlim fəaliyyəti sammitində 2035-ci ilə qədər metan emissiyalarının sıfıra endirilməsi ilə bağlı könüllü öhdəlik götürüb.
Bunu jurnalistlərə Azərbaycanın iqtisadiyyat naziri, SOCAR-ın Müşahidə Şurasının sədri Mikayıl Cabbarov deyib.
Onun sözlərinə görə, SOCAR bununla bağlı sənədlər imzalayıb: "Əsas istiqamət kimi neft və qaz hasilatı zamanı yaranan metan emissiyalarının azaldılması üzrə bir sıra texniki tədbirlər həyata keçiriləcək. Bu, iqlim probleminə diqqətimizi əks etdirir, eyni zamanda, bu qlobal konfrans çərçivəsində qarşıya qoyulan ən mühüm hədəflərdən biridir".
Nazir qeyd edib ki, ölkə iqtisadiyyatında yaşıl keçidin təmin edilməsi, bir tərəfdən bərpa olunan enerji mənbələrinin istifadəsinin genişləndirilməsi, digər tərəfdən iqtisadi səmərəliliyin təmin edilməsi, eləcə də bu sahələrə özəl investisiyaların yatırılması üçün şəraitin yaradılması məsələlərinə böyük əhəmiyyət verilir.
Enerji
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
-
Hazırda Azərbaycanın daxili bazarı hələ də Euro-2 standartına uyğun dizel yanacağı ilə təchiz olunur, bu barədə neft və neft məhsulları bazarının təhlilində ixtisaslaşmış beynəlxalq agentlik "Argus"un oktyabr hesabatında qeyd olunur. Diqqətəlayiqdir ki, iyunun əvvəlində Bakı Neft Həftəsi sərgisində Azərbaycan Dövlət Neft Şirkəti (SOCAR) 2023-cü ildə Euro-5 keyfiyyətli dizel yanacağı istehsalına başladığını nümayiş etdirmişdi. Lakin sonradan məlum oldu ki, bu keyfiyyətdə olan neft məhsulu ixrac olunur və daxili bazara təchizat daha sonra başlayacaq.
-
İki gün davam edən güclü qardan sonra Lənkəran, Astara, Masallı, Lerik və Yardımlı rayonlarında elektrik enerjisinin verilməsində ciddi fasilələr yaranıb, nəticədə bu bölgələrin 80%-dən çoxu elektriksiz qalıb.
Rəy yaz