Bakı/21.07.23//Turan: SOCAR-ın (Azərbaycan Respublikası Dövlət Neft Şirkəti) prezidenti Rövşən Nəcəf ötən gün Fransanın “TotalEnergies” şirkətinin baş vitse-prezidenti Jan-Lük Gizyu ilə görüşüb.
"Görüş zamanı Xəzər dənizində “Abşeron” qaz-kondensat yatağının işlənməsi layihəsinin hazırkı vəziyyəti müzakirə edilib və Azərbaycanın hasilat potensialının artırılmasının zəruriliyi qeyd edilib", - deyə SOCAR-ın məlumatında qeyd olunur.
Tərəflər həmçinin yatağın işlənməsinin ikinci mərhələsi çərçivəsində görüləcək işlərlə bağlı fikir mübadiləsi aparıblar.
Hazırda hasilatın birinci mərhələsi çərçivəsində “Abşeron” yatağından gündəlik 4,3 milyon kubmetr qaz və 1400 ton kondensat hasil edilir.
Bir qədər əvvəl xəbər verildiyi kimi, 2023-cü il iyulun 10-da “TotalEnergies” və SOCAR Xəzər dənizindəki “Abşeron” qaz-kondensat yatağının işlənməsinin birinci mərhələsi çərçivəsində hasilata başlandığını elan ediblər.
"Abşeron" yatağının işlənməsi ilə "SOCAR Absheron" (50%) və "TOTAL E&P Absheron"un (50%) təsis etdikləri "Joint Operating Company of Absheron Petroleum B.V. (JOCAP)" şirkəti məşğul olur.
Müqavilə 30 il müddətinə imzalanıb. Müqavilə sahəsi 747 kvadrat kilometr təşkil edir.
"Abşeron" bloku Bakıdan 100 kilometr aralıda, 600 metr dərinlikdə yerləşir.
2019-cu ildə SOCAR və TOTAL şirkəti “Abşeron” yatağında dərinliyi 7411 metr olan “ABD-001” hasilat-qiymətləndirmə quyusunun qazılmasını başa çatdırıb.
Yatağın ehtiyatları 350 milyard kubmetr qaz və 45 milyon ton kondensat təşkil edir. –0-
Enerji
-
Qazaxıstanın “Kazmunaigas” (KMG) dövlət şirkəti “Kaşaqan” yatağından hasil edilən neftin ilk partiyasını Bakı-Tbilisi-Ceyhan (BTC) neft kəməri ilə ixrac üçün Bakıya göndərib. Bu barədə şirkətin mətbuat xidməti məlumat yayıb.
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
17 yanvar tarixində iranlı həmkarı Məsud Pezeşkiyan ilə apardığı danışıqlardan sonra keçirilən mətbuat konfransında Rusiya Prezidenti Vladimir Putin iki ölkə arasında qaz kəmərinin tikintisi layihəsinin işə salındığını təsdiqlədi. Onun sözlərinə görə, ilkin tədarük həcmi 2 milyard kubmetrə çata bilər, lakin sonrakı mərhələdə bu həcmin illik 55 milyard kubmetrə qədər artırılması planlaşdırılır.
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
Rəy yaz