azertag.az
Bakı/13.05.21/Turan: Azərbaycanın SOKAR şirkəti “Rosneft”in Ukraynadakı neft məhsullarının ixrac operatoru oldu və Rusiya tərəfi ilə müvafiq müqavilə imzaladı.
Bu barədə Ukraynanın neft məhsulları bazarında ixtisaslaşmış Enkorr nəşri məlumat verib.
“Mövcud məlumatlara görə, satışı və ukraynalı konrtagentlərlə əlaqəni Sokar Trading-in İsveçrə ofisi kurasiya edəcək. Bu arada, həcmlərin paylaşdırılması və satışında şirkətin Ukrayna ofisinin də rolu istisna deyil", - deyə məlumatda bildirilir.
Bu həftə Sokar Trading-in top-menecmentinin nümayəndələri Kiyevi ziyarət edib və bu ilin aprel ayına qədər Ukraynada “Rosneft”in həcmlərini paylaşdıran Proton Enerji Qrup S. A.-nın iri konrtagentləri ilə danışıqlar aparıblar.
Məlumata görə, yeni operator ölkəyə may ayında yanacaq tədarükü ehtimalını istisna etmir, həmçinin 100 min tondan çox dizel yanacağı və 12 min ton mayeləşdirilmiş qaz həcmində kvotaya sahib olduğunu bildirir.
"Lakin bazar iştirakçılarının tədarükün başlanması üçün ən çox ehtimal etdiyi dövr iyun ayıdır. Mövcud məlumatlara görə, SOKAR Qomeldən "tonu 30 dollardan yuxarı" diferensialla göndərilən dizel yanacağı üçün qiymətlərin diapazonunu açıqlayıb. Mayeləşdirilmiş qazla bağlı hələlik oriyentirləri açıqlanmayıb”, deyə məlumatda qeyd olunur.
SOKAR-ın Ukraynadakı nümayəndəliyi 2008-ci ildən fəaliyyət göstərir, 2010-cu ildə isə şirkət Ukraynanın yanacaq bazarında işləməyə başlayıb.–0—
Enerji
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
-
Hazırda Azərbaycanın daxili bazarı hələ də Euro-2 standartına uyğun dizel yanacağı ilə təchiz olunur, bu barədə neft və neft məhsulları bazarının təhlilində ixtisaslaşmış beynəlxalq agentlik "Argus"un oktyabr hesabatında qeyd olunur. Diqqətəlayiqdir ki, iyunun əvvəlində Bakı Neft Həftəsi sərgisində Azərbaycan Dövlət Neft Şirkəti (SOCAR) 2023-cü ildə Euro-5 keyfiyyətli dizel yanacağı istehsalına başladığını nümayiş etdirmişdi. Lakin sonradan məlum oldu ki, bu keyfiyyətdə olan neft məhsulu ixrac olunur və daxili bazara təchizat daha sonra başlayacaq.
-
İki gün davam edən güclü qardan sonra Lənkəran, Astara, Masallı, Lerik və Yardımlı rayonlarında elektrik enerjisinin verilməsində ciddi fasilələr yaranıb, nəticədə bu bölgələrin 80%-dən çoxu elektriksiz qalıb.
Rəy yaz