“Azərbaycan Beynəlxalq Bankı” (ABB) ASC 2015-ci il üçün maliyyə hesabatını açıqlayıb. Sənəd Deloitte & Touche tərəfindən audit edilib.
Bu auditor əvvəlki illər üzrə də müsbət auditor rəyi vermişdi, halbuki, sonradan məlum olub ki, bankın aktivləri ən pis şəkildə idarə edilib.
Maliyyə hesabatına görə, ABB 1 mlrd. 13,9 mln.manat zərərə məruz qalıb. Bank 201,7 mln. manat həcmində mənfəət vergisi ödəyib.
Ümumilikdə, bankın zərəri 823,6 mln. manat həcmində dəyərləndirilib. 2014-cü ildə ABB-nin xalis mənfəəti 14,3 mln. manat təşkil edib.
Qeyd edək ki, 0,27 manat nominal dəyərində hər səhmin zərəri 0,35 manat təşkil edib.
Balansa görə, 2015-ci ildə ümumi məbləği 5 mlrd. 628,9 mln. manat həcmində pis aktivlərin idarəçiliyi “Aqrarkredit” QSC-yə verilib.
2016-cı il yanvarın 1-i üçün verilən kreditlərin həcmi 5,6 mln. manat təşkil edir. Bu, bir il öncə olduğundan 28,4% azdır.
2015-ci ildə əhalidən və şirkətlərdən cəlb edilən əmanətlərin və depozitlərin həcmi 71% artaraq 7 mlrd. manatı ötüb.
2015-ci ilin martında birdən məlum olub ki, bank müştərilərə bir neçə yüz mln. manat həcmində təminatsız kredit verir. Bundan sonra bankın müştərilərinə - cəmiyyətdəki bir sıra nüfuzlu şəxslərə qarşı bir neçə cinayət işi qaldırılıb.
ABB İdarə Heyətinin sədri Cahangir Hacıyev öncə “səhhətilə əlaqədar” vəzifəsindən kənarlaşdırılıb, sonra isə həbs olunub.
Səhmlərin 82,23%-i Azərbaycan Maliyyə Naziriyinə məxsusdur. İl ərzində bankda dövlətin payı 10,17%-lik bənd artıb. Qalan 17,77% səhmin necə paylandığı açıqlanmır. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz