Abşeron rayonunda biznesin arzuolunan istiqamətləri müəyyən edilib.
Sahibkarlığa Milli Kömək Fondunun (SMKF) elanında deyilir ki, üzlük daşlar, dam örtükləri, plastik qablar, müasir istilik kompleksi və polietilen kisələrin istehsalı üzrə müəssisələrin yaradılmasına dair layihələrə üstünlük veriləcək.
Belə layihələr müvəkkil kredit təşkilatlarında məsləhətləşmələr zamanı prioritet sayılacaq. Layihə uğurlu sayılaraq qəbul edilərsə banklar onların tam dəyəri həcmində kredit ayıracaq.
İqtisadiyyat və Sənaye Nazirliyi yanında SKMF 1992-ci ildə təsis edilib. Agent kimi 60 bank və bank olmayan təşkilat ilə fəaliyyət göstərir. Ötən il sahibkarların ehtiyacları üçün 295 mln. manat ayrılıb. Bu ilin yekunlarına görə 220 mln. manatın ayrılması planlaşdırılır. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz