Avropa İnvestisiya Bankı TANAP kəmərinin tikintisinə 1 mlrd avro ayıracaq, deyə Bloomberg bankın vitse-prezidenti Pim van Ballekoma istinadən bildirib.
Ballekomun sözlərinə görə, bu vəsait "BOTAŞ" şirkətinin TANAP-dakı payının maliyyələşdirilməsi üçün ayrılacaq. Bundan başqa, o, Dünya Bankının da TANAP-a maliyyə vəsaiti ayıra biləcəyini əlavə edib.
"İlk tranşın isə bu il avqustun sonuna qədər ayrılacağı planlaşdırılır", - deyə o qeyd edib.
Qeyd edək ki, TANAP "Şahdəniz" qazının Türkiyəyə, buradan isə Avropaya nəqlini nəzərdə tutan boru kəməridir.
Boru kəmərinin ilkin buraxılış gücü ildə 16 mlrd kubmetr olacaq. Bu həcmin təxminən 6 mlrd kubmetri Türkiyəyə, qalanı isə Avropaya nəql ediləcək.
Kəmərin 2018-ci ildə işə salınacağı, ilk qazın Avropaya 2020-ci ildə çatacağı gözlənilir.
Xatırladaq ki, TANAP layihəsində SOCAR-ın 58%, "BOTAŞ"-ın 30%, BP-nin 12% payı var. –0—
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz