AİŞ Azərbaycanda elektrobusların yığılması üzrə planlarını açıqlayıb

Azərbaycan İnvestisiya Şirkəti (AİŞ) ASC https://www.aic.az/az/news/1319/elektrik-avtobus-istehsali-layihesi noyabrın 22-də “Electrify Azerbaijan” şirkəti və BYD şirkəti (Çin Xalq Respublikası) ilə Azərbaycanda elektrik avtobuslarının yığılmasının və onların bir sıra ehtiyat hissələrinin istehsalının təşkilini nəzərdə tutan Anlaşma Memorandumu imzalandığı barədə bu gün məlumat yayıb.

«Sumqayıt Kimya Sənaye Parkının ərazisində ayrılmış 5 hektar torpaq sahəsində tikilməsi planlaşdırılan zavodda ildə 150-200 ədəd elektrobusların istehsalı nəzərdə tutulur. Eyni zamanda istehsal olunan elektrobusların daxili tələbatı qarşılamaqla yanaşı, Azərbaycanın ixrac potensialını da artıracaq” AİŞ bildirir.

1995-ci ildə yaranmış BYD şirkəti elektronika, avtomobil istehsalı, bərpa olunan enerji və dəmir yolu nəqliyyatı sahələrində son yenilikləri tətbiq edən dünyamiqyaslı aparıcı texnologiya şirkətlərindən biri hesab olunur.

“Electrify Azerbaijan” MMC (VÖEN: 1702962591) Çinin “BYD Company Limited” (BYD) və “SARDA Group” şirkətlərinə məxsusdur. “Electrify Azerbaijan” https://electrify.az/ şirkəti elektromobillər üçün enerji doldurma stansiyalarının idarə olunması üçün platforma hazırlayır və tətbiq edir. O, “Luobinsen”, “NewYea”, “Benny” kimi markalardan geniş seçim doldurma stansiyaları təklif edir.

“Electrify Azerbaijan” şirkəti BYD avtomobillərinin rəsmi distribütorudur. “Electrify Azerbaijan” “ISR Holding” şirkətlər qrupunun bir hissəsidir. 08B