Almanlar fındığın tərkibindən toksinini çıxarılmasını öyrədiblər

Azərbaycan Standartlaşdırma, Metrologiya və Patent üzrə Dövlət Komitəsi və Almaniya Federativ Respublikası Milli Metrologiya İnstitutunun (PTB) birgə təşkilatçılığı ilə iyunun  24-27-də Bakıda “Cənubi Qafqazda keyfiyyət infrastrukturunun gücləndirilməsi” adlı layihə çərçivəsində təlimlər keçirilib.

Almaniyalı ekspert Kristina Suzanna Froezenin apardığı təlimlər Avropa İttifaqına ixrac üçün hazırlanan fındıq məhsulundan nümunə götürmə və fındıqda aflotoksinin müəyyən edilməsi üçün sınaq prossedurlarına həsr olunub.

Təlimin ilk günü müvafiq dövlət orqanlarının, laboratoriyaların və özəl sektorun nümayəndələrinin iştirakı ilə fındığın sınağında iştirak edən laboratoriyaların vəzifələri, rolu və qarşılaşdığı çətinliklər müzakirə edilib. Qeyd olunub ki, Azərbaycan əsasən Avropa İttifaqı bazarına ixracı həyata keçirməklə fındıq ixrac edən ölkələr sırasında ilk 10 ölkədən 3-cüdür.

Təlimin növbəti günlərində Bakı Fındıq Emalı zavodunda fındıqdan nümunə götürmə və digər  məsələlər praktiki olaraq nəzərdən keçirilib. Təlimdə Gürcüstanın bır sıra laboratoriyalarının nümayəndələri də iştirak ediblər.

Dövlət Statistika Komitəsinin məlumatına görə, 2012-ci ildə Azərbaycan ümumi dəyəri  $45,8 mln. həcmində  10 250 ton təmizlənmiş fındıq ixrac edib.

Bir neçə il əvvəl Aİ yüzlərlə ton Azərbaycan fındığını yarasız hesab etmişdi, belə ki, fındığın tərkibində sağlamlıq  üçün təhlükəli olan toksik  maddələr aşkar edilmişdi. --08D—