ARDNF-nin 2016-cı il büdcəsi təsdiq olundu

Prezident ilham Əliyev bu gün, dekabrın 29-da Azərbaycan Respublikası Dövlət Neft Fondunun 2016-cı il büdcəsini təsdiq edib.

Fərmana əsasən, ARDNF-nin 2016-cı il  büdcəsinin gəlirləri   6 711 564,1 min manat, xərcləri isə 8 181 399,7 min manat məbləğində təsdiq edilib.

Fondun gələn il gəlirləri Azərbaycanın payına düşən karbohidrogenlərin satışından əldə edilən xalis gəlirlər - 6 094 053,0 min manat, akrhesabı ödənişlər - 2,1 mln manat, neftin və qazın tranziti – 12,6 mln. manat, fondunun valyuta aktivlərinin yerləşdirilməsindən və idarə olunmasından əldə edilən gəlirlər - 602 790,1 min manat və s. hesabına formalaşacaq.

Fondun vəsaitlərinin 6 mlrd. manatı dövlət büdcəsinə trasfert ediləcək.  Bundan başqa,  Cənub Qaz Dəhlizi layihələrində Azərbaycan Respublikasının iştirak payının maliyyələşdirilməsinə daha 1 822 800,0 min manat sərf olunacaq. Xərclərin qalan hissəsi:

-         məcburi köçkünlərin məskunlaşdırılmasına (90 mln. manat),

-         Samur-abşeron kanalının yenidən qurulmasına (70 mln. manat),

-          Bakı-Tbilisi-Qars dəmir yolunun tikintisinə (137 621,7 min manat), 

-         gənclərin xarici ölkələrdə təhsil almasına (36 558,0 manat) yönəldiləcək.

ARDNF-nin idarə lunmasına isə 24 420,0 min manat xərclənəcək. Dövlət başçısı eyni zamanda ARDNF-nin vəsaitinin 2016-cı ildə istifadəsinin əsas istiqamətlərini və fondun  idarə edilməsi ilə bağlı xərclər smetasını təsdiq edib. 08D