Açiq mənbələrdən foto.
Bakı/14.10.21/Turan: AZAL Dövlət Şirkəti yeni “Boeing 787 Dreamliner” təyyarələri almağı planlaşdırır. O bu barədə oktyabrın 14-də dövlət şirkəti rəhbəliyinin "Boeing Commercial Airplanes" şirkətinin Rusiya və Müstəqil Dövlətlər Birliyi ölkələrində vitse-prezidenti Monte Freyzer ilə danışıqları zamanı bildirib. Görüşdə həmçinin Boeing-in satış üzrə direktoru Volkan Eser də iştirak edib.
AZAL-ın mətbuat üçün məlumatında qeyd edildiyi kimi, həmsöhbətlər “Boeing” korporasiyası tərəfindən 9 genişfüzelyajlı Dreamliner təyyarəsinin təchizat imkanlarını müzakirə ediblər. Həmin təyyarələr AZAL-ın hava gəmiləri parkına daxil olan mövcud “Boeing 757”, “Boeing 767” və “Airbus A340” təyyarələrini 2030-cu ilin sonunadək əvəz edə biləcək.
Müvafiq təklif baxılmaq üçün Azərbaycan İnvestisiya Holdinqinə təqdim olunacaq. Hazırda AZAL iki “Boeing 787-8 Dreamliner” istismar edir.
Qeyd edək ki, bir gün öncə AZAL 2030-cu ilə qədər 20 yeni “AirBus” təyyarəsinin alınacağı barədə planlarını açıqlayıb.—06D
İqtisadiyyat
-
Azərbaycanın ADY Express şirkəti, "Azərbaycan Dəmir Yolları" QSC-nin törəmə müəssisəsi, Türkiyənin İstanbul şəhərində keçirilən Logitrans Türkiye 2024 sərgisi çərçivəsində Orta Dəhliz boyunca yükdaşıma xidmətlərinin genişləndirilməsi öhdəliyini təsdiqləyən bir sıra strateji sazişlər imzalayıb.
-
Azərbaycan qarşıdakı 4-5 il ərzində ümumi gücü 350 MVt olan ən müasir yaşıl enerji saxlama obyektləri yaratmağı planlaşdırır. Bu barədə Turan-a məlumatlı mənbə Energetika Nazirliyindən bildirib.
-
Xəzər qaz-kondensat "Abşeron" layihəsinin səhmdarları dekabr ayında tammiqyaslı inkişaf üçün əsas olan Front End Engineering Design (FEED) sənədini təsdiqləməyi planlaşdırırlar, bu barədə məlumatlı mənbə Turan-a bildirib.
-
2024-cü ildə Avropa Azərbaycandan təxminən 12,5 milyard kubmetr qaz alacaq və alıcı ölkələrin sayı 12-yə çatacaq. Cümə günü İstanbulda keçirilən enerji forumunda SOCAR-ın prezidenti Rövşən Nəcəf dekabr ayında 12-ci, yeni qaz alıcısı ilə əməkdaşlığın başlayacağını elan etdi.
Rəy yaz