Azərbaycan Dəmir Yolları kağız biletlərdən imtina edir

Bakı/12.06.23/Turan: “Azərbaycan Dəmir Yolları” QSC iyulun 1-dən Abşeron dairəvi dəmir yolu xətti üzrə hərəkət edən qatarlara kağız biletlərin satışını dayandırır.

Bu addım rəqəmsal ödənişlərin genişləndirilməsi, köşklərdə və kassalarda növbələrin aradan qaldırılması, həmçinin kağız istifadəsi nəticəsində ətraf mühitə dəyən zərərin qarşısının alınması məqsədiləatılıb, deyə “Azərbaycan Dəmir Yolları”nın məlumatında bildirilir.

Müvafiq marşrut üzrə qatarlarda gediş NFC-ni dəstəkləyən bank və ya ADY-yə məxsus gediş kartları ilə təmassız və rahat şəkildə həyata keçirilə bilər.

Bununla yanaşı, Abşeron dairəvi dəmir yolu xətti üzrə hərəkət edən qatarların ekonom vaqonlarında müşahidə olunan sərnişin sıxlığının aradan qaldırılması məqsədilə iyulun 1-dən etibarən biznes vaqonundan ekonom vaqon kimi istifadə olunması təmin olunacaq.

 Bu halda ödəniş ekonom vaqon üçün müəyyən olunmuş tarif üzrə həyata keçiriləcək - 1 manat.

Bu ilin yanvar-mart aylarında Abşeron Dairəvi Dəmir Yolu ilə 1 milyon 460 min sərnişin daşınıb, bu da 2022-ci ilin birinci rübü ilə müqayisədə 55% çoxdur. 08B