Açiq mənbələrdən foto.
Azərbaycan Qida Təhlükəsizliyi Agentliyi antisanitariya şəraitində heyvanların kəsilməsini dayandırmağa çağırır
Bakı/07.05.21/Turan: Qida Təhlükəsizliyi Agentliyi yerli icra hakimiyyəti orqanlarına heyvanların qanunla qadağan olunmuş yerlərdə, yəni ictimai yerlərdə və antisanitariya şəraitində kəsilməsinin dayandırılması xahişi ilə müraciət edib.
"Mal-qaranın qanunsuz kəsilməsi ilə bağlı aşkarlanmış faktlar barədə məlumatlar yerlərdə toplanıb və müvafiq tədbirlərin görülməsi üçün yerli icra hakimiyyəti orqanlarına göndərilib", bu barədə Azərbaycan Qida Təhlükəsizliyi Agentliyinin məlumatında deyilir.
Heyvan kəsiminin tənzimlənməsi Azərbaycan Prezidentinin 2018-ci il 11 iyun tarixli 199 nömrəli "Heyvan kəsimi fəaliyyətinin tənzimlənməsi haqqında" sərəncamı ilə həyata keçirilir.
Sərəncama əsasən, Qida Təhlükəsizliyi Agentliyi yerli icra hakimiyyəti orqanları ilə birlikdə sahibkarlıq subyektlərini cəlb etməklə heyvan kəsimi məntəqələrini yaratmalı, bu məntəqələrinin müvafiq laboratoriyalarla təchiz olunmasını təmin etməlidir.
Bundan əlavə, Daxili İşlər Nazirliyi yerli icra hakimiyyəti orqanları ilə birlikdə baytarlıq-sanitariya və sanitariya-gigiyena normalarına cavab verməyən yerlərdə, küçələrdə, yol kənarlarında satış məqsədləri üçün heyvan kəsimi hallarının qarşısının alınması istiqamətində tədbirlər görməlidir.
Qida Təhlükəsizliyi Agentliyinin müraciəti adətən qurban kəsimi mərasimin həyata keçirildiyi Ramazan ayının mayın 13-də başa çatması ərəfəsində səsləndirilib.—0—
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz