Bakı Olimpiya Stadionu hüquqi şəxs statusu alıb. Bu barədə Vergilər Nazirliyinin mətbu orqanı iyunun 1-də məlumat yayıb.
“Bakı Olimpiya Stadionu” MMC-nin nizamnamə kapitalı 500 mln manat müəyyən edilib. Bu idman obyektinin tikintisinə SOCAR 710 mln dollar vəsait qoyub.
Stadion Azərbaycan Futbol Federasiyaları Assosiasiyasına müddətsiz istifadəyə verilib, deyə stadionun mətbuat xidmətində Turan-a bildiriblər. Təsis sənədlərində təsisçi kimi Əmlak Məsələləri Dövlət Komitəsi göstərilib.
“Bakı Olimpiya Stadionu” MMC-nin idarəetmə aparatı 15 nəfərdən ibarətdir. Cari sanitar və başqa xidmətlərlə 30 nəfər məşğuldur. Stadionun mühafizəsinə 50 nəfər cəlb edilib. Bundan başqa, texniki və elektrik xidmətlərinin göstərilməsi üçün “Orion” şirkəti ilə müqavilə bağlanılıb.
Bakı Olimpiya Stadionunun direktoru Cavid Qarayev əvvəllər AFFA marketinq və reklam departamentinə rəhbərlik edib.
Bakı Olimpiya Stadionunda 68,7 min oturacaq yeri var. Stadion 2015-ci ilin martında istismara verilib. 08D
İqtisadiyyat
-
Azərbaycanın dövlət enerji şirkəti "Azərenerji", SOCAR Trading və İtaliyanın Ansaldo Energia şirkəti karbon kreditləri üzrə üçtərəfli razılaşma imzalayıblar, çümə günü "Azərenerji" məlumat verib.
-
SOCAR-UNIPER birgə müəssisəsi COP 29 tədbirləri çərçivəsində cümə günü "Etilen-Polietilen" zavodunda 65 MVt gücündə buxar generatorunu istifadəyə verdi. Layihə enerji səmərəliliyinin artırılmasına yönəlib və Azərbaycanın kimya sənayesində SOCAR və UNIPER-in birgə səylərinin əhəmiyyətli bir mərhələsidir.
-
Fransanın enerji nəhəngi TotalEnergies Azərbaycan Respublikasının Naxçıvan Muxtar Respublikasında günəş və külək elektrik stansiyaları layihələrində iştirak etməyi nəzərdən keçirir. Bu imkan 15 noyabrda Bakıda TotalEnergies şirkətinin baş direktoru Patrik Puyannenin Azərbaycan hökumət nümayəndələri ilə apardığı danışıqlarda müzakirə edilib.
-
Azərbaycan Energetika Nazirliyi, China Energy Overseas Investment Co. Ltd. və SOCAR Green MMC Fizuli rayonunda 160 meqavatlıq günəş enerjisi layihəsinin həyata keçirilməsi üçün müqavilə imzalayıb. Bu barədə İqtisadiyyat Naziri Mikayıl Cabbarov çərşənbə günü sosial şəbəkələrdə məlumat verib.
Rəy yaz