Photo TURAN.
Bakı/02.10.23/Turan: Bu gün Bakıda, "Gənclik" metrostansiyasının yanındakı meydanda 23-cü arıçılıq sərgi-yarmarkasının açılışı olub. Burada ölkənin 43 rayonundan bu sahə üzrə seçilmiş 250 mütəxəssis ziyarətçilərə 90 ton bal və digər arıçılıq məhsulları təklif edir.
Açılış mərasimində "Aqrar tədarük və təchizat" ASC-nin İdarə Heyətinin sədri Adil Quliyev və Azərbaycan Arıçılar Assosiasiyasının sədri Bədrəddin Həsrətov çıxış edərək arıçılara uğurlar arzulayıblar. Bu arada il arıçılıq üçün o qədər də əlverişli olmadı. B.Həsrətovun sözlərinə görə, bu il 3,5 min ton təbii bal çıxarılıb ki, bu da ötən illə müqayisədə 2 dəfə azdır. Buna baxmayaraq, yarmarkada qiymətlər yüksək deyil və orta hesabla 1 kiloqramı 25-30 manat arasındadır.
Xatırladaq ki, ötənilki yarmarkada arıçılar satışa 120 ton bal və digər arıçılıq məhsulları çıxarıb, bunun 90 tonunu satmağa nail olublar.
Oktyabrın 22-dək davam edəcək ənənəvi sərgi-yarmarka Kənd Təsərrüfatı Nazirliyi və Azərbaycan Arıçılar Assosiasiyasının birgə təşkilatçılığı ilə keçirilir. 08B
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz