Bakıda “Bosco Conference” və “Pasha Development” təşkilatlarından İnvestPro beynəlxalq tədbiri keçirilib

Bakı/30.10.23/Turan:   "Bosco Conference" şirkəti "Pasha Development" və bir sıra digər tərəfdaşların dəstəyi ilə Bakıda beynəlxalq lüks daşınmaz əmlak bazarı, eləcə də dünyanın hər yerindən audit və bank sektoru nümayəndələrinin iştirakı ilə “InvestPro Azerbaijan 2023” beynəlxalq konfransını təşkil edib. 

Bu tədbir biznes mütəxəssislərinə, investorlara və hüquqşünaslara Avropa, Asiya və Amerika qitəsində elit daşınmaz əmlak bazarının son tendensiyaları haqqında fikir mübadiləsi aparmağa, biznes emiqrasiyasının imkanları, investisiyaların idarə edilməsi haqqında birinci əldən məlumat əldə etməyə və onlarla tanış olmağa, vergi və gömrük qanunvericiliyinin nüansları , aktivlərin mühafizəsi məsələlərini müzakirə etmək, müştəri şəbəkəsini genişləndirməyə imkan verib. 

Konfransda moderator və ilk məruzəçi nüfuzlu "Deloitte" konsaltinq şirkətinin Azərbaycandakı nümayəndəsi Tural Hacıyev olub ki, bu da özlüyündə mühüm əlamətdir, çünki bu struktur korporativ və ya nüfuzlu özəl müştərilərə risklərin idarə edilməsi məsələləri üzrə xidmətlər göstərir.

Hacıyev Azərbaycanın özəl sektorunun nümayəndələri və ölkədə fəaliyyət göstərən şirkətlər arasında keçirilən sorğunun nəticələrinə əsasən “Business Outlook” jurnalının yeddinci nömrəsinin təqdimatını keçirib və bu hesabat ölkənin inkişafının həm əsas makroiqtisadi göstəriciləri, həm də eləcə də Azərbaycan iqtisadiyyatındakı tendensiyalar və problemləri qiymətləndirib.

Belə tədqiqatlar həmişə investorlar arasında maraq doğurur, çünki potensial yerli tərəfdaşlarla danışıqları daha yaxşı idarə etməyə imkan verir.

"Deloitte" (Azərbaycan) hesab edir ki, son bir neçə ildə Azərbaycan iqtisadiyyatının artımı karbohidrogenlərin dünya qiymətlərinin yüksək olması səbəbindən neft-qaz sektoruna əsaslanır, lakin yanacaq-energetika kompleksində artım tempi neft hasilatının təbii azalmasına (istehsalın tarixi 100 ildən çox əvvələ gedib çıxır) ilə bağlı aşağıdır.

“Belə bir anlayış var ki, böyük və birbaşa xarici kapital qoyuluşları neft-qaz sektoruna gedir. Amma, fikrimizcə, yaxın 5-7 ildə Azərbaycanın qeyri-neft sektoru investorlar üçün böyük maraq doğuracaq. Azərbaycanın qeyri-neft sektorunda artım tempi 9%-ə yaxındır, hökumət iqtisadiyyatın qeyri-neft seqmentinin inkişafına sərmayə yatırmaq üçün cəlbedici şərait yaradıb və yaratmaqda davam edir”, - Hacıyev qeyd edib.

O, kənd təsərrüfatı sektorunda, xüsusilə pambıqçılıq və pambıq ixracında, tərəvəzçilikdə sürətli artımın olduğunu diqqətə çatdırıb.

“Azərbaycanın kənd təsərrüfatı məhsulları üzrə əsas ticarət tərəfdaşları Rusiya Federasiyası, Türkiyə, Gürcüstan və Qazaxıstandır. Ümumilikdə, Dövlət Statistika Komitəsinin 2023-cü ilin sentyabr ayına olan məlumatına əsasən, Azərbaycandan ümumilikdə 27 milyard ABŞ dolları dəyərində məhsul ixrac edilib, 13 milyard ABŞ dolları dəyərində məhsul idxal olunub, müsbət ticarət saldosu yaranıb”, - deyə hesabatda qeyd olunub.

Kiçik və orta biznesin inkişafında şəffaflıq artıb.

Kimya sənayesi və tikinti təkcə sənaye obyektlərinin deyil, həm də mənzil fondunun, xüsusən də dəbdəbəli daşınmaz əmlakın yaradılmasında yüksək göstəricilər nümayiş etdirir.

“Azərbaycanın valyuta ehtiyatları artır. İnflyasiya aşağı düşür. Çox güman ki, 2023-cü ildə 8% səviyyəsində olacaq, 2024-27-ci illər ərzində isə 4,4%-ə qədər azalacaq”, - "Deloitte" nümayəndəsi bildirib.

Bu konsaltinq şirkətinin fikrincə, inflyasiya məsələsi həm də Azərbaycanın əmək bazarı üçün əmək haqqının adekvatlığını müəyyən edən mühüm əhəmiyyət kəsb edir.

Sonra çıxış edən "Pasha Property Management" şirkətinin marketinq direktoru Slavica Miliç qeyd edib ki, çoxşaxəli "Pasha Holding"in bir hissəsi olan bu struktur Azərbaycanda elit daşınmaz əmlakın yaradılması və idarə edilməsində liderlər sırasındadır.

Onun sözlərinə görə, yaxın vaxtlarda “Hotel la Luna Crescent Beach”in açılışı gözlənilir, Bakıda “The Ritz-Carlton Residences” layihəsinin inkişafında, Ağ Şəhərdə infrastrukturun yaradılmasında böyük irəliləyiş var.

Sonra qonaqlar, o cümlədən "D&A Invest Worldwide Investment Services" şirkətinin baş icraçı direktoru Anna Druqakova (Yunanıstanda daşınmaz əmlak almaq yolu ilə biznes emiqrasiya və Qızıl Viza), "EC Holdings"in idarəedici tərəfdaşı Alexander D.Kh. Bello (“Paraqvayda daimi yaşamaq üçün immiqrasiya proqramı” mövzusu), Vitali Modlo (“EB-5 investisiya proqramı vasitəsilə ABŞ Yaşıl Kartı”), "Mundo Expert"in baş direktoru Liliya Soboleva (“Daşınmaz əmlak investisiyaları vasitəsilə Panamada yaşayış: icmal və bələdçi”) çıxış edib.

"Apex Capital Partners" beynəlxalq immiqrasiya şirkətinin vitse-prezidenti Sofya Silina investisiya vətəndaşlığı və Monteneqroda yaşayış icazəsi vasitəsilə risklərin diversifikasiyası, "PAŞA Private Banking" (Azərbaycan) şirkətinin icraçı direktoru və rəhbəri Aqşin Mirzəzadə isə qonaqları Azərbaycanda bank xidmətləri və kapitalın idarə edilməsi ilə bağlı məlumatlandırıb. 

Digər natiqlər arasında İvanna Pilipyuk ("Parus Management Consultancies LLC" (BƏƏ) həmsahibi və "ICG Club" (BƏƏ) nümayəndəsi), Kaisha İnce ("Caribbean Legal and Project Advisory Limited" (Qrenada) şirkətinin idarəedici direktoru), IBCCS TAX (Gürcüstan) rəhbərliyi (mövzu çıxış "vergi güzəştləri və yüksək gəlirli daşınmaz əmlaka investisiya") çıxış edib.

"NIMARIA IT Co" (Kanada) şirkətinin təsisçisi və sahibi Alexander Savinin ("Biodeposit" şirkətinin baş direktoru) təqdimatları olub. " ICLUB.vc TA Ventures" şirkətinin, "ICLUB Global" (Özbəkistan)  regional partnyoru Sardor Muhamedəliyevin təqdimatı olub .

Bakı konfransının iştirakçıları məruzəçilərin suallarına verdiyi cavablar, eləcə də bu tədbir çərçivəsində müxtəlif formatlarda keçirilən görüşlər sayəsində onları maraqlandıran mövzular haqqında geniş məlumat əldə ediblər.

“InvestPro Azerbaijan 2023” konfransı çox faydalı hesab edilib.--0--