Açiq mənbələrdən foto.
Bakı/29.03.21/Turan: Dövlət Şəhərsalma və Arxitektura Komitəsi fərdi evlərin tikintisi üçün bildiriş proseduru ilə bağlı vətəndaşların müraciətlərinə baxılması üçün elektron sistemin tətbiqinə başlayıb.
Hələlik bu elektron xidmət yalnız Bakı şəhər sakinləri üçün əlçatandır.
“Yeni istifadəyə verilmiş funksiya sayəsində Bakı şəhəri üzrə fərdi yaşayış evləri tikmək istəyən şəxslər artıq bu elektron portal vasitəsilə onlayn müraciət edə bilərlər. Yeni yaradılan modul sayəsində vətəndaşlar şəxsiyyət vəsiqələrinin FİN kodunu daxil etməklə sistemə qoşulduqdan sonra öz müraciətlərini aidiyyati qurumlara elektron qaydada göndərə bilərlər. Bu zaman müvafiq qanunvericilikdə nəzərdə tutulan sənədlərin yüklənilməsi tələb olunur”, - deyə Dövlət Şəhərsalma və Arxitektura Komitəsindən Turan-a bildirilib.
Müraciətlərə 10 gün müddətində baxılır və müvafiq yerli icra hakimiyyəti orqanı tərəfindən 10 gün müddətində layihəyə dair irad sifarişçiyə təqdim edilmədikdə, müvafiq bildiriş vətəndaşın şəxsi kabinetinə göndərilir.
Bildirişin etibarlılığını təmin etmək məqsədilə onun üzərində müvafiq tarix və nömrə ilə yanaşı, “QR kod”lar da olacaq. Bu “QR kod” vasitəsilə həm vətəndaş, həm də nəzarəti həyata keçirən qurum “Bir pəncərə” elektron portalın axtarış sistemində layihə barədə məlumatlarla tanış ola və müraciət üzrə təqdim olunmuş sənədlərə baxa bilər.
Komitədən bildirilir ki, vətəndaş tikintini başa çatdırdıqdan sonra da sistem vasitəsilə müvafiq məlumatı yerli icra hakimiyyətinə göndərə bilər.
Şəhərsalma və Tikinti Məcəlləsinə uyğun olaraq mərtəbələrinin sayı 3-dən, hündürlüyü 12 metrdən və aşırımlarının uzunluğu 6 metrdən çox olmayan fərdi yaşayış evlərinin tikintisi ilə bağlı məlumatlandırma icraatı həyata keçirilir və onların tikintisi üçün tikinti layihəsinin yalnız memarlıq-planlaşdırma bölməsinin hazırlanması tələb olunur.
Maraqlıdır ki, qanunvericiliyə uyğun olaraq fərdi evlərin tikintisi barədə bildiriş proseduru ilə bağlı “Bir pəncərə” elektron portalında qeydiyyata alınan məlumatlar Dövlət Şəhərsalma və Arxitektura Komitəsinin internet səhifəsi vasitəsilə açıqlanmalıdır.
Lakin bu reyestrdəki məlumatlar bir ay gecikmə ilə yenilənir. 08B
İqtisadiyyat
-
4 noyabr tarixində keçirilmiş "COP29 Fəaliyyət Proqramı: Enerji Təşəbbüsləri və Öhdəliklər" adlı virtual konfransda BMT-nin Sənaye İnkişafı Təşkilatının (UNIDO) eksperti Smita Fokiya COP29-da hidrogen və 2030-cu ilə qədər bərpa olunan enerji güclərinin üçqat artırılması ilə bağlı beynəlxalq öhdəliklərin qəbul edilməsinin vacibliyini vurğulayıb.
-
4 noyabrda Azərbaycan Energetika Nazirliyinin, Beynəlxalq Bərpa Olunan Enerji Agentliyinin (IRENA), Beynəlxalq Enerji Agentliyinin (IEA) və BMT-nin ixtisaslaşmış qurumları—UNIDO (BMT-nin Sənaye İnkişafı Təşkilatı) və UNECE (BMT-nin Avropa ilə iqtisadi əməkdaşlıq üzrə strukturu) təşəbbüsü ilə COP29-a hazırlıq məqsədilə “COP29 Fəaliyyət Proqramı: Enerji Təşəbbüsləri və Öhdəlikləri” adlı virtual konfrans keçirildi. Konfrans zamanı Azərbaycanın Energetika nazirinin müavini Orxan Zeynalov Azərbaycan tərəfindən COP29-un sədri olaraq gələn həftə BMT-nin İqlim Sammitində Bakıda imzalanması üçün təklif edilən üç enerji təşəbbüsü-bəyannaməni elan etdi.
-
Nazirlər Kabineti 1 may 2023-cü il tarixli, 2130 nömrəli Prezident Fərmanı əsasında “Tibbi Ərazi Bölmələrini İdarəetmə Birliyinin (TƏBIB) Nizamnaməsi”nin təsdiq edilməsi ilə əlaqədar bir sıra qərarlarda dəyişiklik edilməsi barədə qərar qəbul edib. Bu dəyişikliklər TƏBIB-ə digər səhiyyə qurumlarından məsuliyyətlərin keçirilməsi ilə əlaqədar müxtəlif dövlət tənzimləmələrində struktur dəyişikliklərinin tətbiqini hədəfləyir.
-
Bu ilin yanvar-sentyabr aylarında Bakı şəhərinin ticarət və xidmət sektorları güclü artım göstərərək, paytaxtın geniş iqtisadi dəyişikliklər fonunda dayanıqlılığını vurğuladı. Rəsmi məlumatlara görə, ticarət dövriyyəsi illik müqayisədə 4,9% artaraq 24,95 milyard manata çatıb. Bu genişlənmə həm istehlak xərclərinin mülayim artımını, həm də şəhərin kommersiya mərkəzi kimi davamlı rolunu əks etdirir.
Rəy yaz