BakuTel 2012 sərgisinin üçüncü günü

Bu gün «Telekommunikasiyalar və informasiya texnologiyaları» BakuTel 2012 beynəlxalq sərgi və konfransının üçüncü günüdür. 

Azərbaycan Respublikası Rabitə və İnformasiya Texnologiyaları Nazirliyinin məlumatına görə, burda 23 ölkədən 160 şirkət iştirak edir. İlk dəfə xarici şirkətlər ekspozisiyanın 40%-i tutur. Tədbir çərçivəsində informasiya texnologiyalarının son nailiyyətləri Azərbaycan bazarı üçün yeni məhsul və xidmətlər nümayiş etdirilir. 

Bu il sərgidə əhaliyə göstərilən dövlət xidmətlərinin yeni keyfiyyətinin formalaşması üçün nəzərdə tutulan «ASAN» mərkəzləri təqdim edilir. 

RİTN Tədqiqat və Yüksək Texnologiyaların İnkişafı Mərkəzi Bakutel 2012-də ayrıca stendlə təmsil olunur. Orada Mərkəzin laboratoriyalarında əldə edilən məhsullar (işıq diodları, nanoborular və s) yerləşdirilib. 

On air от Azerfon xidməti təyyarənin bortunda mobil rabitədən istifadə imkanı verir. Ölkə mobil bazarı üçün daşınan nömrələr də yenilikdir. Bu il informasiya təhlükəsizliyinə xüsusi yer verilib, Azərbaycan dilində antivirus proqramı hazırlanıb. BakuTel 2012-də R. I. S. K. şirkətinin stendində səmərəli həllər laboratoriyası açılıb. Onun bazasında İT ilə bağlı cari problemləri çözmək, qərar verməkdə kömək, aparıcı mütəxəssislərdən məsləhət almaq imkanı yaradılıb. 

Sərgidə səhiyyə, təhsil, nəqliyyatın intellektual idarə edilməsi üzrə yeni texnologiyalar təqdim edilir. 

Həmçinin Azərbaycanda istehsal olunan ilk planşet kompüteri "Nexus Azpad Android" göstərilir. İştirakçılar həmçinin portativ mobil və analoq radiostansiyalar, smartfonlar, planşet kompüterlər, telekommunikasiya sistemləri üçün müasir test və ölçü avadanlığı və s. təqdim edirlər. 

 Sərgi 9 noyabra kimi davam edəcək. --17D—