Bank Melli İranın Bakı filialı baş mühasibi dəyişib. Elxan Rəhimlinin yerinə Vüqar Mirheydərov təyin edilib. O, “Günaybank”da İH sədri olub.
Bank Melli Iran Bakı filialını 1993-cü ildə açıb. Əvvəlcə dinamik inkişaf edib, ABŞ-ın sanksiyalarından sonra aktivliyi azaldıb, Azərbaycan bazarında sezilməyib, deyə Turan qeyd edir.
Agentlik xatırladır ki, 2015-ci ilin dekabrında Bank Melli İranın Bakı filialının rəhbəri Mənuçöhr Hüseynzadə «öz arzusu ilə» vəzifədən gedib. Onu Əsgər Xəlil əvəz edib.
2015-ci ildə filailın aktivləri 19 mln manata çatıb. Avqustun əvvəlində Bakıya gələn İranın rabitə naziri Mahmud Vaezi Azərbaycan rəsmiləri ilə söhbətində yenidən bank sektorunda İranın iştirakının genişləndirilməsi məsələsinə qayıdıb.
Mahmud Vaezi ötən yay Azərbaycana səfəri zamanı Bank Melli İranın Bakı filialının passivliyindən gileylənib.
İrana qarşı sanksiyaları ləğv ediləndən sonra Vaezi təklif edib ki, Azərbaycanın bank bazarı İran üçün açılsın, İranın Azərbaycandakı $200 mln məbləğində dondurulan aktivlərindən birgə istifadə edilsin.—0—
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz