![Açiq mənbələrdən foto.](https://turan.az/resized/media/2022/main/062800047553-750-500-resize.webp)
Açiq mənbələrdən foto.
Baş nazir Ələt qəsəbəsindəki strateji əhəmiyyətli iqtisadi obyektlərdə olub
Bakı/28.06.22/Turan: Baş nazir Əli Əsədov görülən işlərin gedişi ilə tanış olmaq üçün iyunun 25-də tikilməkdə olan Ələt Azad İqtisadi Zonasına (ƏAİZ) və Bakı Beynəlxalq Dəniz Ticarət Limanına səfər edib. Hökumətin mətbuat xidməti xəbər verir ki, bu strukturların məsul şəxsləri ilə keçirilən görüşlərin yekunlarına əsasən işlərin sürətləndirilməsi ilə bağlı tapşırıqlar verilib.
Ələt Azad İqtisadi Zonasından verilən məlumata görə, iqtisadi zonanın fiziki inkişafı proqramı qrafikə uyğun həyata keçirilir. “Mərhələ 1a” podratçıları 2021-ci ilin birinci rübündə ilk ofis binasının, qazıntı və infrastrukturun, gömrük sahəsinin tikintisinə başlayıb. Qrafikə uyğun olaraq, “Mərhələ 1a”nı xidməti sənaye meydançaları ilə birlikdə bu ilin mart-aprel aylarında, ofis binalarını iyulda başa çatdıraraq istifadəyə vermək nəzərdə tutulub. "Mərhələ 2.1" 2022-ci ilə planlaşdırılır ki, burada bitişik 84 hektar ərazidə biznes üçün tikinti işləri aparılacaq.
Görüşlərdə torpaqların ayrılması, maliyyə təminatı, su və elektrik enerjisi ilə təminat, Dəniz Limanında iş prinsipləri və həyata keçirilən infrastruktur layihələri müzakirə olunub. Azərbaycanda nəqliyyat və logistika sahəsində infrastrukturun hazırkı vəziyyəti, rəqəmsallaşma, beynəlxalq yükdaşımalarda mövcud imkanların artırılması, tranzitə artan tələbatın ödənilməsi üçün zəruri tədbirlərin görülməsi, eləcə də perspektiv layihələr müzakirə edilib.
Baş nazir Əli Əsədovu prezidentin köməkçisi Şahmar Mövsümov və rəqəmsal inkişaf və nəqliyyat naziri Rəşad Nəbiyev müşayiət ediblər. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz