Aktivlərinin həcminə görə ölkənin ən iri bankı olan Azərbaycan Beynəlxalq Bankı 2013-cü ilin maliyyə hesabatını açıqlayıb (http://www.ibar.az/index.php?in=Section&run=show&id=416).
Deloitte & Touche şirkətinin auditir rəyi ilə müşayiət edilən hesabata əsasən, bankın və onun törəmə strukturlarının ümumi mənfəəti 61 mln 293 mindən 75 018 mln manata artıb, amma səhmlər üzrə gəlir 1 qəpik azalaraq 4 qəpik olub.
Xalis mənfəətdən yalnız 58,9 mln manat səhmdarlara aid kimi təsnif edilib. Bu, 2012-ci ildəkindən 6 mln manat çoxdur. Ötən il ABB qrupunun faiz gəlirləri 467,7 mln manat, ödəniş və komisyon gəlirləri 101 mln manat olub.
1 yanvar 2014-cü il üçün səhmdarlara aid kapital 42,7% artaraq 590,7 mln manata çatıb.
İlin əvvəli üçün ABB-nin aktivləri 7 681,2 mln manat olub. Bu, 2012-ci ildəkindən 1,5 mlrd manat və ya 24,4% çoxdur. 31 dekabr 2013-cü il üçün avans və kredit həcmi 6,6 mlrd manat təşkil edib.
Qanuna əsasən, konsolidə edilmiş hesabat hazırlayan şirkətlər onları 30 iyuna, digər şirkətlər 30 aprelə kimi təqdim etməlidir. Hələ ABB maliyyə hesabatını səhmdarların müzakirəsi və təsdiqinə təqdim etməyib. 2012-ci ildən ABB qrupu dividendlərin verilməsini bərpa edib. 08D
İqtisadiyyat
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
-
Azərbaycanda Avropada, Yaxın Şərqdə və Afrikada ayaq və ağız xəstəliyi və yüksək patogen quş qripi epidemiyalarının yayılması ilə əlaqədar olaraq, bəzi bölgələrdən iri buynuzlu heyvanların, quşların və onlarla əlaqəli məhsulların idxalı müvəqqəti olaraq dayandırılıb. Bu barədə ölkənin Qida Təhlükəsizliyi Agentliyi (AQTA) məlumat yayıb.
Rəy yaz