«Biz sauna sifariş etməmişik" - Prezidentin İşlər İdarəsinin müdiri

Bakı/07.29.19/Turan: "Turan İnformasiya Agentliinin iyulun 24-də Azərbaycan Respublikası Prezidentinin İşlər İdarəsinin Bakıda sauna, uşaq bağçası və ofis sahəsi tikintisi sifariş verməsi barədə yaydığı məlumat həqiqətə uyğun deyil. Bu ilin mayın 22-də qəbul otağı, kafe, camaşırxana, idman qurğusu və digər köməkçi obyektlərin yerləşəcəyi ikimərtəbəli qeyri-yaşayış binasının inşası dövlət icazə orqanları ilə razılaşdırılıb", deyə Prezidentin İşlər İdarəsində Turan-a bildiriblər.

Burada izah ediblər ki, 2017-ci ildə "Sosial Mənzil" mənzil-tikinti kooperativi yaradılıb. Onun sifarişi ilə bu ilin sonunda "Kontinent İnşaat" MMC 1528 mənzildən ibarət 5 yaşayış binasının tikintisini başa çatdıracaq. "Kooperativin üzvləri Prezident Administrasiyası, Prezidentin İşlər İdarəsi, AR Prezidenti Xüsusi Tibbi Xidmətinin 961 işçisidir. Onlar mənzilləri maya dəyərinə - 360 manat/kv m qiymətinə alacaq. Xətai rayonunda yaşayış kompleksinin tikintisi üçün sahəsi 5 hektar olan torpaq sahəsi Prezidentin İşlər İdarəsində paytaxtın Hakimiyyəti tərəfindən verilib. MTK üç dövlət qurumu tərəfindən yaradılıb", - deyə Turan-a açıqlamasında "Sosial Mənzil" kooperativin sədri Məmməd Məmmədov bildirib.

Xatırladaq ki, Turan İnformasiya Agentliinin iyulun 24 tarixli informasiyada Dövlət Şəhərsalma və Arxitektura Komitəsinin informasiya resursunda yerləşdirilən açıq rəsmi sənədə istinad edib. 08B--