Açiq mənbələrdən foto.
Bakı/14.01.22/Turan: Azərbaycanın “Buta Airways” loukosteri "Büdcə" tarifi üzrə 29 avrodan başlayan qiymətə aviabilet satışını bəyan edib. Bu tarif koronavirus pandemiyasının aktiv fazasında müvəqqəti olaraq mövcud deyildi, şirkətin məlumatında deyilir.
"Büdcə" tarifi üzrə aviabiletləri əvvəlki kimi yalnız aviaşirkətin rəsmi saytından əldə etmək olar. Bu tarifdə baqajın pulsuz daşınması nəzərdə tutulmayıb.
Qeyd edək ki, “Buta Airways” KİV və sosial şəbəkələrdə AZAL-ın ünvanına kütləvi tənqidlər fonunda əvvəlki minimal tarifin geri qaytarıldığını bildirib.
Buna Ermənistanın “Flyone Armenia” şirkəti tərəfindən Yerevandan İstanbula reyslərin 45 dollar səviyyəsində elan edilməsi barədə informasiya səbəb olub. Buta İstanbula biletləri 55 avrodan satırdı.
Qeyd edək ki, Buta Airways-in 29 avro həcmində minimal tarifi, çox güman ki, deklarativdir, çünki bu qiymətə bilet almaq, demək olar ki, mümkün deyil.—06D-
İqtisadiyyat
-
Azərbaycanın dövlət enerji şirkəti "Azərenerji", SOCAR Trading və İtaliyanın Ansaldo Energia şirkəti karbon kreditləri üzrə üçtərəfli razılaşma imzalayıblar, çümə günü "Azərenerji" məlumat verib.
-
SOCAR-UNIPER birgə müəssisəsi COP 29 tədbirləri çərçivəsində cümə günü "Etilen-Polietilen" zavodunda 65 MVt gücündə buxar generatorunu istifadəyə verdi. Layihə enerji səmərəliliyinin artırılmasına yönəlib və Azərbaycanın kimya sənayesində SOCAR və UNIPER-in birgə səylərinin əhəmiyyətli bir mərhələsidir.
-
Fransanın enerji nəhəngi TotalEnergies Azərbaycan Respublikasının Naxçıvan Muxtar Respublikasında günəş və külək elektrik stansiyaları layihələrində iştirak etməyi nəzərdən keçirir. Bu imkan 15 noyabrda Bakıda TotalEnergies şirkətinin baş direktoru Patrik Puyannenin Azərbaycan hökumət nümayəndələri ilə apardığı danışıqlarda müzakirə edilib.
-
Azərbaycan Energetika Nazirliyi, China Energy Overseas Investment Co. Ltd. və SOCAR Green MMC Fizuli rayonunda 160 meqavatlıq günəş enerjisi layihəsinin həyata keçirilməsi üçün müqavilə imzalayıb. Bu barədə İqtisadiyyat Naziri Mikayıl Cabbarov çərşənbə günü sosial şəbəkələrdə məlumat verib.
Rəy yaz