2014 Mart 03 (Bazar ertəsi) 16:55:05
Yanvarın 1-i üçün Azərbaycanın xarici dövlət borcu 5 mlrd 753,2 mln manat olub. Bu, ÜDM-in 8,2%-dir. Bu barədə Maliyyə Nazirliyi məlumat verir.
Maliyyə Nazirliyinin məlumatına görə, kreditlərin 48,3%-i 20 il, 43,6%-i 10-20 illiyə, 8,1%-i 10 illiyə cəlb edilib.
Hökumət əhaliyə bildirir ki, başqa ölkələrdə xarici borc daha çoxdur. Məsələn, Türkiyədə bu, ÜDM-in 36%-i, Rusiyada 14,1%, Gürcüstanda 32,9%, Macarıstanda 79,8%, Slovakiyada 34,3%, Çexiyada 40,2%-dir.
Maliyyə Nazirliyinin məlumatlarının müqayisəsi göstərir ki, 2013-cü ildə Azərbaycanın xarici borcu $5,7 mlrd-dan $6 mlrd-a artıb. 2012-201З-cü illərdə borcun ümumi həcmi $1 233 mln artıb. Adambaşına dövlət xarici borcu 2013-cü ildə $610-dan $639-a artıb.
Azərbaycan əsasən Dünya Bankı, Yaponiya Beynəlxalq Əməkdaşlıq Agentliyi, Asiya İnkişaf Bankı, İslam İnkişaf Bankı, Avrova Yenidənqurma və İnkişaf Bankı və digər beynəlxalq maliyyə qurumlarından borc alır. 08D
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz