Hökumətin təqsiri üzündən şirkətlər auditdən yayınır (YENİLƏNİB)
2014 Mart 03 (Bazar ertəsi) 16:50:32
Dörd ildir, hökumət qərara gələ bilmir: icbari auditdən yayınmağa görə qanun pozuntusu üzrə səlahiyyəti kimə versin? İcbari audit subyektlərinin çoxu isə kənar auditdən yayınır.
2011-ci ilin fevralında parlament buna görə inzibati cəza müəyyən edib: hüquqi şəxslər üçün 1500-2500 manat, vəzifəli şəxslər üçün 300-600 manat. Dövlət başçısı həmin ilin aprelində Nazirlər Kabinetinə tapşırıb ki, 2 ay müddətinə bu cərimələrlə məşğul olacaq hakimiyyət orqanı barədə təklif versin. O vaxtdan 3 il keçib.
Bu məsələnin həlli üçün Auditorlar Palatası dəfələrlə təklif yazıb hökumətə təqdim edib. Əvvəlcə AAP təklif edib ki, müstəqil auditdən yayınmağa görə məsuliyyəti şəhər (rayon) məhkəmələri Auditorlar Palatasının təqdimatı ilə həyata keçirsin. Vergilər Nazirliyi AAP ilə hər ilin sonunda müstəqil auditdən keçməli olan təşkilatların siyahısını hazırlamalıdır. Növbəti mərhələdə Palata müstəqil auditdən yayınan təşkilatları aşkarlamalıdır. Nazirlər Kabineti təklifi rədd edib.
2013-cü ilin aprelində başqa dövlət qurumları ilə razılaşdıraraq AAP Nazirlər Kabinetinə daha bir təklif irəli sürüb. Bu dəfə Palata məsuliyyəti öz üzərinə götürüb: müstəqil auditdən yayınmağa görə inzibati məsuliyyəti AAP vəzifəli şəxsləri müəyyən etsin. «Hələlik hökumətdən cavab yoxdur, məlum deyil, təkliflər təsdiq üçün dövlət başçısına verilibmi?», deyə Palatanın aparat rəhbəri Qəşəm Bayramov Turan-a bildirib.
AAP-ın hesablamasına görə, təsərrüfat subyektlərinin 90%-i, əsasən SC-lər və MMC-lər icbari auditdən yayınır. İnizibati Xətalar Məcəlləsinə “Müstəqil auditdən yayınmaya görə məsuliyyət haqqında” əlavə 13 aprel 2011-ci ildə qüvvəyə minib. Amma onu pozan hər hansı subyekt məsuliyyətə cəlb edilməyib.
Nazirlər Kabinetinin №97 27 may 2010-cu il tarixli “Kommersiya təşkilatlarının illik maliyyə hesabatları və birləşmiş ma liyyə hesabatlarının təqdim edilməsi və yayılması haqqında” qərarına əsasən, illik maliyyə hesabatları təsisçilərin təsdiqinə 30 aprelə kimi verilməlidir. Birləşmiş maliyyə hesabatı hazırlayan təşkilatlar onları 30 iyuna kimi təsdiq etməlidir. İllik maliyyə hesabatları audit rəyi ilə birgə mətbuatda çap olunmalıdır.
Banklar, sığorta şirkətləri, SC və MMC-lər, holdinqlər, təbii inhisarlar, QHT-lər və s. müstəqil auditor yoxlamasından keçməlidir.
Orta auditor yoxlaması 500 manata başa gəlir. Amma özünə hörmət edən şirkətlər bu xidmətə görə bir neçə min manatı da əsirgəmir. 08B
-
- İqtisadiyyat
- 4 Mart 2014 18:47
-
- İqtisadiyyat
- 4 Mart 2014 18:48
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz