![Açiq mənbələrdən foto.](https://turan.az/resized/media/2023/main/031700059954-750-500-resize.webp)
Açiq mənbələrdən foto.
Əmək və Əhalinin Sosial Müdafiəsi Nazirliyi qanunsuz poçt xidməti yaradır.
Bakı/17.03.23/Turan: Əmək və Əhalinin Sosial Müdafiəsi Nazirliyi məxsusi elektron poçt sistemi qurması, məxsusi serverlər yaratması və özəl antivirus proqramları alması (zərərverici proqram təminatlarına qarşı müdafiə sistemi) ilə bağlı satınalma müsabiqəsi keçirib.
Nazirlik “B2B Group” şirkəti ilə təxminən 1,2 milyon manat məbləğində müqavilə imzalanıb.
“Bunlar açıq-aydın digər dövlət orqanlarının səlahiyyətində olan məsələlərdir və həm də birbaşa təhlükəsizliklə bağlıdır”, - deyə ekspert Osman Gündüz vurğulayıb. Onun sözlərinə görə, ölkədə dövlət qurumlarının informasiya təhlükəsizliyi, e-poçt xidmətlərinin təşkili Xüsusi Rabitə və İnformasiya Təhlükəszilyi Dövlət Xidmətinin (XRİTDX), dövlətə məxsus yeni məlumat bazalarının saxlanılması isə Rəqəmsal İnkişaf və Nəqliyyat Nazirliyinin tabeliyindəki “AzİnTelecom” MMC-nin səlahiyyətindədir.
Məlumdur ki, XRİTDX bütün dövlət qurumlarına təhlükəsizlik sınaqlarından keçmiş e-poçt xidmətləri təqdim edir. Hətta bu qurum ötən ay "Dövlət qurumlarının İT zirvə toplantısında " açıqlamışdı ki, may ayından etibarən Azərbaycanın bütün dövlət qurumları yeni poçt sisteminə köçürüləcək. deyə ekspert bildirib.
Ən maraqlısı və qəribəsi odur ki, ƏƏSMN-in həmin tenderlə informasiya təhlükəsizliyini qorumaq üçün aldığı lisenziyaları, təhlükəsziliyə cavabdeh olan XRİTDX-nin təqdim etdiyi resurslar siyahısında deyil, yəni, bu qurumun sınaqlarından keçməyib.
"Eyni zamanda, xatırladıram ki, Prezident fərmanına əsasən, optimallaşdırma, təhlükəsizlik və səmərəlilik baxımından ölkədə “Hökumət Buludu” formalaşdırılıb və dövlət qurumlarına tapşırılıb ki, paralel strukturlar yaratmaq yolverilməzdir. Buna baxmayaraq, Əmək və Əhalinin Sosial Müdafiəsi Nazirliyin öz daxilində yeni bir e-poçt serveri formalaşdırır", - deyə Osman Gündüz bildirib.
Ekspertin sözlərinə görə, “bütün bunlar Dövlət Antiinhisar Xidmətinin razılığı ilə baş verir”.
Hələlik Əmək Nazirliyi bu fikirlərə münasibət bildirməyib. 08C
-
- Cəmiyyət
- 17 Mart 2023 15:27
-
- İqtisadiyyat
- 17 Mart 2023 16:00
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz