ВР və tərəfdaşları indiyədək “Azəri-Çıraq-Günəşli” (AÇG) yatağından 393 mln ton neft çıxarıb, deyə SOCAR-ın I vitse-prezidenti Xoşbəxt Yusifzadə bildirib.
Onun sözlərinə görə, bu həcmin 218 mln tonu Azərbaycanın mənfəət neftidir. “Bu dövrdə (1997-ci ilin noyabrından) AÇG blokundan 118 mlrd kubmetr səmt qazı çıxarılıb”, - deyə Yusifzadə qeyd edib.
O bildirib ki, sutkada 90 min ton neft və 36 mln kubmetr səmt qazı hasil edilir.
"2016-cı ilin I rübündə AÇG-dən 8 mln ton neft (2015-ci ilin I rübündə 8 mln ton və ya 59 mln barrel - Turan) çıxarılıb. Bunun 66%-i və ya 5,3 mln ton Azərbaycanın mənfəət neftidir", - deyə Yusifzadə qeyd edib.
Bu yaxınlarda ARDNF-nin verdiyi məlumata görə, I rübdə AÇG çərçivəsində $1 mlrd 137 mln mənfəət əldə edilib. Hesablamalar göstərir ki, Azərbaycanın mənfəət neftinin barreli (istismar, kapital, nəqliyyat xərcləri çıxılandan sonra) $29,08 olub. –12В--
İqtisadiyyat
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
-
2024-cü ildə Transxəzər Beynəlxalq Nəqliyyat Dəhlizi (TITR) vasitəsilə daşınan yüklərin həcmi 62% artaraq 4,5 milyon tona çatıb, Qazaxıstanın Baş naziri Oljas Bektənov çərşənbə günü Gürcüstanın Baş naziri İrakli Kobaxidze ilə görüşündə bildirib. Bu barədə Qazaxıstan hökumətinin mətbuat xidməti məlumat yayıb.
-
Azərbaycan Respublikasının Kiçik və Orta Biznesin İnkişafı Agentliyinin (KOBİA) Müşahidə Şurasının iclası bazar ertəsi günü İqtisadiyyat naziri Mikayıl Cabbarovun sədrliyi ilə keçirildi. İclasda agentliyin 2024-cü il üzrə fəaliyyətinin icmalı təqdim olunub və 2025-ci il üçün əsas prioritetlər müəyyən edilib.
Rəy yaz