İcbari Sığorta Bürosu tərəfindən növbəti kompensasiya ödənişi həyata keçirilib

İcbari Sığorta Bürosu yol-nəqliyyat hadisəsi faktı üzrə növbəti kompensasiya ödənişi həyata keçirib. 

Büronun press-relizində deyilir ki, YNH 21.08.2012-ci il tarixdə Xəzər rayonu, Buzovna qəsəbəsi ərazisində baş verib. Vətəndaşın yol-nəqliyyat hadisəsi nəticəsində ağır xəsarət alması ilə əlaqədar 1500 (beş min) manat məbləğində kompensasiya ödənişi verilib. 

"Kompensasiya ödənişi 05 iyun 2013-cü il tarixində qeyri-nəğd üsulu ilə (poçt vasitəsilə) həyata keçirilib” deyə şirkət bildirir.

İcbari Sığorta Bürosu 16 dekabr 2011-ci ildə yaradılıb. Hazırda 11 üzvü var: "Azərsığorta", AXA MBASK, "Atəşhgah", "Xalq Sığorta", "Standard Insurance", "Paşa Sığorta", "AzSığorta", "Meqa Sığorta", "Ata Sığorta", "İpək Yolu Sıgorta" e "Azərbaycan Sənaye Sığorta".  

İcbari Sığorta Bürosu İcbari sığorta növləri haqqında» qanun çərçivəsində yaradılıb. AVSMMİS-lə bağlı qanunda bir qəza üzrə sağlamlığa və həyata görə maksimal ödənişin orta Avropa göstəricisi 50 min manatdır (4 sərnişin və 1 sürücü), bir fiziki şəxsin ziyanı 5 min manat, avtomobilə görə 5 min manat ödənilir.. 

Qanuna görə, AVSMMİS üzrə ödənişdən imtina etmək olmaz. Hətta sərxoş, hadisə yerindən qaçan və qəsdən qəza törədən  sürücünün hərəkəti nəticəsində ziyan çəkən piyada və ya sərnişin, sürücülük vəsiqəsi olmayan (əgər avtomobilin sahibidirsə) sürücülər kompensasiya ala bilər. 

Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. --17D-