QKDK-nın şayiəsi

Azərbaycan Respublikasının Qiymətli Kağızlar üzrə Dövlət Komitəsi (QKDK) “Forex4you” şirkətinin müvafiq icazə alınmadan aktivlərin idarəedilməsi fəaliyyəti üzrə xidmətlərin təklif edilməsi müəyyən olunması və həmin fəaliyyətin dayandırılması barədə informasiya yayıb. Şirkət isə bu məlumatı təkzib edir. 

QKDK  ictimayyətlə əlaqələr sektorunun məlumatında deyilir ki, şirkətə həmin fəaliyyətin dayandırılması barədə göstəriş verilib. Bundan başqa, QKDK “Forex4you” şirkəti tərəfindən həyata keçirilən aktivlərin idarəedilməsi fəaliyyətinin qeyri-qanuni olduğunu bildirir və vətəndaşları bu şirkətlə bağlı əməliyyatlarda diqqətli olmağa dəvət edir.

 «E-Global Trade & Finance Group» (Üircin adaları, Britaniya) şirkətinin Azərbaycan təmsilçiliyinin direktoru Fərid Səttarov Turan-a bildirib ki, bu günə şirkət QKDK-dan rəsmi etiraz sənədi almayıb. «Forex4you”ya gəlincə, bu şirkət yox, «E-Global Trade & Finance Group» şirkətinin brendidir. Fəaliyyətimiz tam investisiya xidmətindən ibarərtdir. Bu isə aktivlərin idarə edilməsindən çox fərqlidir». Səttarov deyib ki, görünür, QKDK-nın bu sahədə biliyi kafi deyil. «E-Global Trade & Finance Group» sədri deyib ki, hazırda Azərbaycanda analoji xidməti «Forex Club» şirkəti göstərir. 08B