AYİP Azərbaycanda kapital bazarında gedən proseslərdən razıdır

Bir həftə ərzində Qiymətli Kağızlar üzrə Dövlət Komitəsi Avropa Yenidənqurma və İnkişaf Bankının (AYİB) yüksək vəzifəli nümayəndələri ilə iki görüş keçirib. Lakin tərəflər görüşün məqsədlərini açıqlamır.

QKDK-nın məlumatında deyilir ki, iyunun 5-də qurumun rəhbəri Rüfət Aslanlı bankın Bakı ofisinin rəhbəri Nil Makkeyni qəbul edib. “Görüş gələcəkdə AYİB ilə yeni münasibətlərin yaradılmasına və əlaqələrin genişlənməsinə xidmət edəcək”, - Aslanlı Makkeynə bildirib.

Görüş zamanı Aslanlı qeyd edib ki, Azərbaycan iqtisadi inkişafın yeni mərhələsinə qədəm qoyub. “2011-2020ci illərdə Azərbaycanda qiymətli kağızlar bazarının inkişafı” üzrə Dövlət Proqramı çərçivəsində həyata keçirilən tədbirlərin nəticəsində bazarda yeni imkanlar açılıb, bazar infrastrukturunda irəliləyiş əldə olunub, ticarət və postticarət sistem tam avtomatlaşdırılıb.

Öz növbəsində Makkeyn deyib ki, AYİB Azərbaycanda iqtisadiyyatın və bazar kapitalının inkişafı üzrə nəzərdə tutulan məqsədləri dəstəkləyir. Azərbaycanda maliyyə sektorunda “nəzərəçarpacaq dəyişikliklər” əldə olunub. Onun sözlərinə görə, bazarda yüksək rəqabətlilik mühiti yaradılıb, şəffaflıq və korporatv idarətmə təcrübəsi formalaşıb və kapital bazarında proseslər bankın inkişaf strategiyasına uyğundur.

AYİB Azərbaycanda portfelli investorlardan biridir. Onun aktivində bir neçə bankın, sənaye şirkətinin və s. səhm paketi var. Bir neçə il öncə bank  Azərbaycan Beynəlxalq Bankının 20% səhminə iddia edib. Hazırda ABB dövlətin payının azaldılması mərhələsini keçirir. Ola bilsin ki, AYİP-n kapital bazarına marağı bu amillə bağlıdır. 08D