İçərişəhərdə restoranların tikintisi normativ aktlar pozulmaqla həyata keçirilir

Bakı/26.04.19/Turan: İçərişəhərdə Qala divarları boyunca dörd restoranın tikintisi 2011-ci ildə hökumət tərrəfindən qəbul edilən "İçərişəhər" Dövlət Tarix-Memarlıq Qoruğunun mühafizə (bufer) zonasının xüsusi hüquqi rejimi haqqında" əsasnaməyə ziddir. Bu sənədin 4-cü bəndinə əsasən, http://www.e-qanun.az/alpidata/framework/data/22/c_f_22280.htm, zonada yerüstü və yeraltı abidələr üçün təhlükə yarada bilən torpaq, söküntü, tikinti-quraşdırma, yenidənqurma, abadlıq və təmir işlərinin (bundan sonra-inşaat-təmir işləri) aparılmasına yol verilmir. Bundan əlavə, zonada torpaq işləri və mühəndis-kommunikasiya xətlərinin çəkilişi Qoruğun mövcud qala divarlarından ən azı üç metr məsafə gözlənilməklə aparılmalıdır.

Zonanın ərazisində Qoruğun qala divarlarının qarşısında yeni bina və tikililərin inşası qadağandır.

Kiçik Qala, 19-21 ünvanında metal konstruksiyalı dörd obyektin hazırlanması və quraşdırılmasına dair müqavilə 2018-ci ilin noyabr ayında imzalanıb. 901,1 min manat məbləğində (530 min dollar) müqavilə "Uni Ko" http://unico.az/idarə-heyyəti/ şirkətinə verilib. Bununla yanaşı görülən işlər dövlət büdcəsi hesabına həyata keçirilir. Bu obyektin sahibkarı barədə İçərişəhər" Dövlət Tarix-Memarlıq Qoruğunu administrasiyasının mətbuat xidməti məlumat vermir.

İctimai fəallar bu obyektin tikintisinə qarşı çıxır, bunu Azərbaycanın tarixi abidələri qarşı vandalizm aktı adlandırırlar.

Hələ ki, hakimiyyət ictimai etirazlara reaksiya vermir. Qoruğun administrasiyası isə qeyd edir ki, İçərişəhərdə işlər qanunvericiliyə və normalara uyğun aparılır. -08B-