Opening ceremonies of the Greece-Bulgaria Interconnector (IGB).minenergy.gov.az
Bakı/08.07.22/Turan: Cümə günü Komotini regionunda (Yunanıstan) Azərbaycan təbii qazının Bolqarıstana nəql olunacağı Yunanıstan-Bolqarıstan interkonnektorunun (IGB) açılış mərasimi keçirilib, Azərbaycan Energetika Nazirliyinin mətbuat xidməti bildirir.
“Mərasimdə Yunanıstanın Baş naziri Kiriakos Mitsotakis, Bolqarıstanın Baş naziri Kirill Petkov və Azərbaycanın energetika naziri Pərviz Şahbazov iştirak ediblər. Nazir interkonnektorun açılışı münasibətilə Azərbaycan Prezidenti İlham Əliyevin təbrikini tədbir iştirakçılarına çatdırıb”, - məlumatda deyilir.
Şahbazov İGB-nin həyata keçirilməsini “TAP qaz kəmərinin inkişafında mühüm mərhələnin başlanğıcı və Cənub Qaz Dəhlizinin yeni qollarla şaxələndirilməsinin göstəricisi” adlandırıb.
Azərbaycan Energetika Nazirliyinin rəhbəri bildirib ki, İGB interkonnektorunun açılışı Bolqarıstanın və bütövlükdə Cənub-Şərqi Avropanın şaxələndirilmiş enerji təchizatında, eləcə də istehlakçıların sərfəli və təmiz enerjiyə çıxışında strateji əhəmiyyətli hadisədir.
Onun sözlərinə görə, Azərbaycan 2022-ci ildə Bolqarıstana 600 milyon kubmetr qaz ixrac etməyi planlaşdırır.
“İlin birinci yarısında 160 milyon kubmetr olan Bolqarıstana qaz ixracının 2022-ci ilin sonuna kimi ümumilikdə 600 milyon kubmetrə çatdırılması planlaşdırılır”, - Şahbazov Komotinidə deyib.
“İlin birinci yarısında 160 milyon kubmetr olan Bolqarıstana qaz ixracının 2022-ci ilin sonuna kimi ümumilikdə 600 milyon kubmetrə çatdırılması planlaşdırılır”, - Şahbazov Komotinidə deyib.
Şahbazov əlavə edib ki, 2022-ci il iyulun 1-dən Bolqarıstana nəql olunan qazın gündəlik həcmi 2,6 milyon kubmetr müəyyən edilib ki, bu da gündəlik tədarükün 1,7 milyon kubmetr artması deməkdir.
“Azərbaycan Avropa ölkələri, o cümlədən Bolqarıstan və Yunanıstan üçün şaxələndirilmiş qaz tədarükünün sabit və strateji mənbəyidir. Bir ildən artıq müddətdə (2020-ci il dekabrın 31-dən, Cənub Qaz Dəhlizinin işə salınmasından sonra) Azərbaycandan Avropaya 13,5 milyard kubmetr qaz tədarük edilib. Bunun 1,4 milyard kubmetri Yunanıstanın, 440 milyon kubmetri Bolqarıstanın payına düşür”, - nazir bildirib.
O, davamlı enerji təhlükəsizliyi üçün ölkələr arasında əməkdaşlığın vacibliyini vurğulayıb.
Şahbazov bildirib ki, Cənub Qaz Dəhlizinin yaradılması, onun yeni İGB qolu, eləcə də bu cür tədarüklərə ən böyük ehtiyac yarandığı bir vaxtda Azərbaycan qazının Avropaya nəqlinin mümkünlüyü “ən yüksək səviyyədə əməkdaşlığın, həmrəyliyin, ölkələrimiz arasında qarşılıqlı etimadın nəticəsidir”.
"CQD Aİ-Azərbaycan enerji tərəfdaşlığının bu günə qədər əldə etdiyi ən böyük nailiyyətdir və biz bu uğur hekayəsini davam etdirmək niyyətindəyik", - Şahbazov bildirib.
Nazir onu da qeyd edib ki, İGB yaxın illərdə Cənub Qaz Dəhlizinin genişləndirilməsi istiqamətində yeni layihələrin müjdəçisidir.
SOCAR-dakı mənbə Turan-a izah edib ki, İGB vasitəsilə kommersiya müqaviləli qaz tədarükünə sentyabrda başlanacaq və iyul-sentyabr aylarında Bolqarıstan Azərbaycan qazını daha yüksək (müqavilədənkənar) qiymətə alacaq. Amma tədarük müqavilədəki kimi olacaq - gündə təxminən 2,6 milyon kubmetr.
Xatırladaq ki, 2013-cü ilin sentyabrında “Bulqarqaz EAD” şirkəti “Şahdəniz” yatağının işlənməsinin 2-ci mərhələsi çərçivəsində ildə 1 milyard kubmetr Azərbaycan qazının alınmasına dair 25 illik müqavilə imzalayıb. 2019-cu ilin may ayında Kirkovoda (Bolqarıstan) IGB interkonnektorunun təməlqoyma mərasimi keçirilib.
2022-ci il martın sonunda operator IGB elan etdi ki, IGB artıq Bolqarıstana ilk dəfə Azərbaycandan qaz əldə etmək imkanı verəcək Trans-Adriatik Qaz Boru Kəmərinə (TAP) qoşulub.
İGB-nin istismara verilməsi ilə birlik ilkin olaraq Bolqarıstanı ildə 1 milyard kubmetr qazla təmin edəcək, daha sonra isə layihə gücü ildə 3 milyard kubmetr qaza çatdırılacaq.
Azərbaycan qazının Avropaya - İtaliya, Yunanıstan və Bolqarıstana tədarükü 2020-ci il dekabrın 31-dən Trans-Adriatik Qaz Boru Kəməri (TAP) vasitəsilə başlayıb. Lakin interkonnektor olmadığından Azərbaycan qazının Bolqarıstana tədarük həcmi nəzərdə tutulduğundan bir neçə dəfə az - ildə 1 milyard kubmetr əvəzinə 250-300 milyon kubmetr olub.—0—
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz