Bakı/03.10.17/Turan: Oktyabrın 18-21-də Bakı Ekspo Mərkəzində 23-cü Azərbaycan Beynəlxalq İnşaat "WorldBuild Baku 2017" sərgisi işə başlayacaq.
Bu il sərgidə dünyanın 23 ölkəsindən 200-dən artıq şirkət iştirak edəcək. Almaniya, BƏƏ və İran sərgidə öz milli pavilyonları ilə təmsil olunacaqlar. Bu ilin debütantı isə milli stendi ilə çıxış edən Polşadır. Sərginin təşkilatçısı Iteca Caspian-ın məlumatına görə, Azərbaycanın tikinti şirkətləri və tikinti materialları istehsalçıları sərgiə geniş təmsil olunacaq.
Bu il ilk dəfə olaraq, Azərbaycan Respublikasının Prezidenti yanında Mənzil İnşaatı Dövlət Agentliyi "WorldBuild Baku 2017" sərgisini rəsmi olaraq dəstəkləyir. Dövlət Agentliyinin məqsədi vətəndaşlarının yaşayış sahələrinə olan ehtiyacını ödəmək, onların mənzil-məişət şəraitini yaxşılaşdırmaq, müasir memarlıq üslubunda ekoloji və enerji səmərəliliyi tələblərinə cavab verən çoxmənzilli binaların tikilməsini təmin etməkdir. --08D--
İqtisadiyyat
-
Azərbaycana idxalda Çin liderlik edir. Dövlət Statistika Komitəsinin (DSK) məlumatına görə, bu ilin yanvar-fevral aylarında Azərbaycanın hüquqi və fiziki şəxsləri 84 ölkəyə məhsul ixrac edib, 134 ölkədən idxal həyata keçiriblər. Xarici ticarət dövriyyəsi 6 milyard 428.2 milyon ABŞ dolları olub. Onun 2 milyard 651 milyon dollarını (31.7 faiz) idxal təşkil edib.
-
Mayın 3-də Azərbaycan və Səudiyyə Ərəbistanı enerji tərəfdaşlığının gücləndirilməsində mühüm addım olan bərpa olunan enerji və iqlim dəyişikliyi təşəbbüsləri üzrə birgə səylərin genişləndirilməsinə yönəlmiş əsas sənədlər imzaladılar.
-
Sosial-İqtisadi Transformasiya İnstitutu (ISET), CASE analitik mərkəzi və İqtisadi Ekspertiza Platforması tərəfindən aparılan son araşdırma nəticəsində məlum olub ki, Azərbaycan Respublikası Dövlət Neft Şirkəti (SOCAR) ötən il Ukraynada vergi ödəyən yanacaqdoldurma məntəqələri siyahısında birinci yerdədir. “tsn.ua” xəbər verir ki, araşdırmaya əsasən, 2023-cü ildə SOCAR üç rübdə yanacaq vergisini, iki rübdə isə əmək haqqı vergisini ödəmək üzrə lider olub.
-
Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf mayın 2-də Ukraynanın “Naftoqaz” şirkətinin baş direktoru Aleksey Çernışov ilə görüşüb və neft-qaz sənayesində əməkdaşlığın genişləndirilməsi məsələlərini müzakirə edib. SOCAR-ın bəyanatına görə, müzakirələrdə Azərbaycan qazının Ukraynada saxlanması imkanları müzakirə edilib və daha geniş enerji məsələləri, o cümlədən enerjiyə keçid və karbonsizləşdirmə məsələləri müzakirə olunub.
Rəy yaz