İqtisadiyyat naziri biznesin və əhalinin dəstəklənməsi üçün 2,5 milyard manat lazım olduğunu etiraf edib

Bakı/31.03.20/Turan: Martın 30-da dövlət televiziyasına verdiyi müsahibədə Azərbaycanın İqtisadiyyat naziri Mikayıl Cabbarov hökumətin COVID-19 koronavirusu ilə əlaqədar karantin tədbirlərinə məruz qalan müəssisələri və insanları dəstəkləmək üçün 2,5 milyard manatlıq (ÜDM-in 3%-i) 9 proqramı həyata keçirməyi planlaşdırdığını açıqlayıb.

Maraqlıdır ki, əvvəllər söhbət 1 milyard manatdan gedirdi. Amma problemin daha dərindən araşdırılması, təsirə məruz qalan sahələrə və həyat sahələrinə əlavə maliyyə yatırımlarına ehtiyac olduğunu ortaya qoydu ki, bunun da mənbəyi, çox güman ki, dövlət büdcəsidir.
“İşçi qrupumuza koronavirus pandemiyasının Azərbaycan iqtisadiyyatına təsirini qiymətləndirmək üçün təkliflər hazırlamağa 15 gün (aprelin 3-dək) vaxt verildi. Biz 9 proqram hazırlamışıq, bu proqramların ilkin dəyəri 2,5 milyard manat və ya ÜDM-in 3%-i səviyyəsində qiymətləndirilir”, - deyə Cabbarov bildirib.

Onun sözlərinə görə, Azərbaycan iqtisadiyyatının 4 sahəsi (20 fəaliyyət sahəsi) koronavirusun təsirinə məruz qaldı.

“Hazırlanmış 9 proqramdan ikisi bu sektorlarda sahibkarlara dəyən zərərin ödənilməsinə yönəldiləcəkdir. Beləliklə, ilk proqram 304 min nəfərin çalışdığı 44 min hüquqi şəxsi (təşkilatlar, strukturlar və s.) əhatə edəcək. Bunlar koronavirusdan 100% təsirlənən 11 fəaliyyət sahəsidir (ictimai iaşə, xidmətlər, turizm, otellər və s.). Zərərin əvəzini ödəmək üçün dövlətin bu işçilərə maaş verməsi nəzərdə tutulur. Bu ilk proqramın digər bir hissəsi koronavirusdan əhəmiyyətli dərəcədə ziyan görmüş qalan 9 iş sahəsini əhatə edəcəkdir (vurulan zərərin miqdarı 70% -dir). Bu sahələrdə əmək haqqı fondunun 50 faizinin dövlət tərəfindən ödəniləcəyi planlaşdırılır”, deyə o qeyd edib.

İkinci proqram təqribən 290 min mikro sahibkarlıq subyektinə aiddir və onlara 2019-cu il üçün vergi ödənişlərinin həcminə bərabər olan yardım göstəriləcək.

Üçüncü proqram biznes üçün vergi güzəştləri və vergi tətilləri ilə əlaqədardır (detallar daha sonra razılaşdırılıb elan ediləcək), dördüncü proqram ipoteka borcalanlarına dəstəkdir.

Dördüncü proqram çərçivəsində İqtisadiyyat Nazirliyinin rəhbəri bildirib ki, tikinti pandemiyadan sonra iqtisadiyyatı yenidən quracaq əsas sektor olacaq. Çünki bu sektor əmək tələb edən, yerli xammal istehsalı ilə əlaqəli, sosial yönümlüdür və multiplikativ effektə malikdir.

Beşinci proqram sərnişin daşınması ilə məşğul olan şirkətlərin dəstəyi nəzərdə tutur. Altıncıda əhali üçün kommunal xidmətlərdəki müəyyən güzəştlərə aydınlıq gətiriləcək (axı, karantin şəraitində vətəndaşlara evdə qalmaq əmri verilib və kommunal xərclər artıb).

Yeddinci proqram sosial blokun digər məsələlərini də əhatə edəcək.

Nazir, qalan iki proqrama daha ətraflı toxundu və dövlət başçısının vəd etdiyi 1 milyard manat onların birinə kedəcək.

“9 proqramlardan biri ümumi dəyəri 1 milyard manat olan biznes kredit portfelinə dəstək verəcək. Bu proqramın mahiyyəti nədir? Dövlətin hesabına (Sahibkarlığın İnkişafı Fondu vasitəsi ilə) biznes üçün verilən, faiz dərəcəsi illik 10%-ə qədər olan kreditlər üzrə faizləri (martın 9-dan əvvəl) ödəməyi planlaşdırırıq. Eyni zamanda, əsas şərtlərdən biri sahibkarın kreditin nümunəvi ödəyicisi olmasıdır (yəni kredit tarixçəsi vacibdir)”, - deyə Cabbarov vurğulayıb.

Sonunculara gəldikdə, proqramın elan edilmiş siyahısına əsasən, bu, bank sektorunu canlandıracaq və iqtisadiyyatın real sektorunun maliyyələşdirilməsinə müsbət təsir göstərən yeni kreditlərdir.
"Dövlət 15%-dən çox olmayan kreditlər üzrə faizlərin 50%-ni ödəməyi planlaşdırır", deyə nazir bildirib.

Bu iki kredit proqramı hələ ölkənin müvafiq dövlət qurumları və Mərkəzi Bankla müzakirə ediləcək. O cümlədən, istehlak kreditlərinin yenidən strukturlaşdırılması və təxirə salınması məsələsi araşdırılır.

"Yaxın günlərdə bütün bu 9 proqramın yekun dizaynı dövlət sektoru və özəl sektorla müzakirə ediləcək" - deyə İqtisadiyyat Nazirliyinin rəhbəri yekunlaşdırıb.

Göründüyü kimi, Cabbarovun çıxışı təkcə iş adamlarına və ictimaiyyətə deyil, Milli Məclisin deputatlarına da ünvanlanıb. Aprelin 3-də hökumət 2019-cu il və 2020-ci il üçün iqtisadi tədbirləri olan yeni seçilmiş deputatların qarşısına çıxacaq.

AzTV nazirinin müsahibəsindən təəssürat – bu, dozalı informasiyadır, daha sonra aydınlaşdırıla biləcək bir çox məsələlər var. -0-