İSB üzvləri AVSMMİS çərçivəsində 7 mln manat toplayıb

2014-cü ilin aprel ayında İcbari Sığorta Bürosunun üzvü olan şirkətlərin avtonəqliyyat sahiblərinin mülki məsuliyyətinin icbari sığortası üzrə yığdığı mükafat həcmi 6,7 milyon manatdan çox olub (ötən ilin apreli ilə müqayisədə +18,9%).

Büronun məlumatında deyilir ki, ay ərzində AVSMMİS üzrə 94 min 952, o cümlədən xarici ölkədə qeydiyyata alınmış və Azərbaycan Respublikasına tranzit məqsədilə daxil olan avtonəqliyyat vasitələri üzrə 17 min müqavilə bağlanılıb.

Apreldə bağlanan sığorta müqaviləsinin orta həcmi 71,3 manat olub.

Xatırladaq ki, yeni AVSMMİS çərçivəsində polis saatışı 16 dekabr 2011-ci ildə başlanılıb. Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır.
Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır.

Avtobuslar, mikroavtobuslar və onların bazasında istehsal edilmiş digər avtonəqliyyat vasitələrində sərnişin yerlərinin sayına görə 9-dan 16-dək 3 əmsalı, 16 yerdən çox olanda 4 əmsalı artırılır. Yük avtomobiləri üçün əmsal 3-5 arasıdır.
 Motosikl, traktor və başqa kənd təsərrüfatı texnikası üçün əmsal minimaldır.
Qanuna görə əmlaka dəyən ziyana görə 5 min manat,  bir şəxsin sağlamlığına dəyən ziyana görə 5 min manat, bir sığorta hadisəsi üzrə maksimum 55 min manat ödənilir. --17D—