İstehsalçılar Ukraynadan yumurta idxalını özləri üçün təhlükə sayır

Son illərdə ilk dəfə olaraq Azərbaycana əmtəə yumurtası gətirilməyə başlayıb. Respublika Quşçuluq Cəmiyyətinin sədri Aydın Vəliyevin sözlərinə görə, Ukraynadan idxal edilən yumurta kənd təsərrüfatı yarmarkaları çərçivəsində ölkənin qərb regionlarında satılır və yerli istehsalçılar üçün real təhlükədir.

Dövlət Statistika Komitəsinin məlumatına görə, 2014-cü ildə Azərbaycanda yumurta istehsalı 11,5% artıb və 1 mlrd 562,7 mln ədəd təşkil edib. Ondan 703,3 mln ədəd quşçuluq təsərrüfatlarının, qalanları ev təsərrüfatlarının payına düşür. Bununla yanaşı, bir ildə quşçuluq təsərrüfatları istehsalı 25% artırıb.

Azərbaycana cins yumurta Türkiyə, İran, Gürcüstan və Avropadan (Çexiya, Niderland, Slovakiya) idxal edilir. Bunun 83%-i  Türkiyənin payına düşür. Ötən il broyler və quşçuluq fabrikləri 54,7 mln cins yumura alıb. Bu, əvvəlki ildəkindən 18,4% çoxdur.

Ötən il “Siyəzən Broyler” ASC ət istehsalının təhlükəsizliyi mülahizələrindən öz  damazlıq təsərrüfatını ləğv edib. Hazırda ölkədə cins yumurtaya tələbatın 40-50%-i «Araz», «Nəzər», «Zirə» və s. müəssisələrin istehsalı hesabına təmin edilir.    

DSK-nın məlumatına görə, 2013-cü ildə ölkədə 1 nəfərə yumurta istehlakı ildə 155,2 ədəd olub. İnkubasiya məqsədi ilə 90-100 mln yumurtadan istifadə edilir. 08B